For Daily Alerts
Just In
நேபாள ராணுவ தளபதி திடீர் நீக்கம்
காத்மாண்டு: நேபாள நாட்டு ராணுவ தளபதி ருக்மாங்கா கதவால் திடீர் என டிஸ்மிஸ் செய்யப்பட்டார். அவருக்குப் பதில் குல் பகதூர் கத்கா புதிய தளபதியாக நியமிக்கப்பட்டுள்ளார்.
இதுதொடர்பான அறிவிப்பை பிரதமர் பிரசந்தாவின் பத்திரிக்கை ஆலோசகர் ஓம் சர்மா வெளியிட்டார்.
கதவாலை நீக்க சில காலமாகவே திட்டமிட்டு வந்தார் மாவோயிஸ்ட் கட்சியின் தலைவரான பிரசந்தா. ஆனால் இதை இந்தியா உள்ளிட்ட பல நாடுகள் எதிர்த்தன. இருப்பினும் அதை மீறி கதவால் நீக்கப்பட்டுள்ளார்.
இதுதொடர்பான முடிவை எடுக்க கூட்டப்பட்ட அமைச்சரவைக் கூட்டத்தை பிரசந்தாவின் கூட்டணியில் இடம் பெற்றுள்ள மாதேசி மக்கள் உரி்மைக் கழகம், சிபிஎன் யுஎம்எல், சத்பவனா கட்சி, சிபிஎன் யுனைட்டெட் ஆகியவை புறக்கணித்தன.
தளபதி நீக்க முடிவை குடியரசுத் தலைவர் ராம் பரன் யாதவ் அங்கீகரித்த பின்னரே அது அமலுக்கு வரும்.
Comments
Story first published: Sunday, May 3, 2009, 16:35 [IST]