பிரான்சில் பர்தாவுக்கு அனுமதி இல்லை: சர்கோஸி

வெர்செல்ஸ் (பிரான்ஸ்): இஸ்லாமியப் பெண்கள் அணியும் பர்தாவுக்கு பிரான்ஸ் நாட்டில் அனுமதி தருவதற்கு வாய்ப்பே இல்லை என்று அதிபர் நிக்கோலஸ் சர்கோஸி கூறியுள்ளார்.

இதை நாங்கள் மத சின்னமாக கருதவில்லை. மாறாக பெண்களை குறைத்து மதிப்படும் சின்னமாகவே கருதுகிறோம் என்று கூறியுள்ளார் சர்கோஸி.

வெர்சல்ஸ் நகரில் பிரான்ஸ் நாடாளுமன்றத்தின் சிறப்புக் கூட்டம் நடந்தது. அதில் கலந்து கொண்ட சர்கோஸி, பேசுகையில், துணி சிறைக்குப் பின்னால் கைதிகளாக இருக்கும் நிலையை எங்களது நாட்டு இஸ்லாமியப் பெண்களுக்குத் தர நாங்கள் விரும்பவில்லை.

தங்களது அடையாளங்களை இழந்து, அனைத்து விதமான சமூக வாழ்க்கையிலிருந்தும் துண்டிக்கப்பட்டவர்களாக அவர்கள் இருப்பதை நாங்கள் அனுமதிக்க முடியாது. பிரான்ஸ் நாட்டு பெண்களின் கெளவரத்திற்கும், மரியாதைக்கும் நாங்கள் பங்கம் ஏற்படுத்த முடியாது.

எனவே பர்தாவுக்கு பிரான்ஸ் நாட்டில் அனுமதி தரும் பேச்சுக்கே இடமில்லை என்றார் சர்கோஸி.