For Daily Alerts
Just In
மியான்மாருக்கு விரையும் வட கொரிய ஆயுத கப்பல்
சியோல்: பெருமளவிலான ஆயுதங்களுடன் வட கொரிய கப்பல் ஒன்று மியான்மாரை நோக்கி விரைந்து கொண்டிருப்பதாக தென் கொரியா கூறியுள்ளது.
அந்தக் கப்பலில் ஐ.நா.வால் தடை செய்யப்பட்ட ஆயுதங்கள் இருப்பதாக தெரிவதாக தென் கொரிய உளவுப் பிரிவு அதிகாரி ஒருவர் கூறியுள்ளார்.
இந்தக் கப்பல் செல்வது அப்பிராந்தியத்தில் உள்ள நாடுகளுக்குத் தெரிந்தாலும் கூட யாரும் அதைத் தடுத்து நிறுத்தும் எண்ணத்தில் இல்லை என்று கூறப்படுகிறது. யாராவது தங்களது கப்பலைத் தடுத்தால் அது போர் என்று ஏற்கனவே வட கொரியா எச்சரிக்கை விடுத்துள்ளது குறிப்பிடத்தக்கது.
ஆயுதங்களுடன் வட கொரிய கப்பல் மியான்மார் நோக்கிக் கிளம்பியதை முதலில் அமெரிக்க ராணுவம்தான் கண்டுபிடித்து தென் கொரியாவை உஷார்படுத்தியது.
மியான்மார் தலைநகர் யாங்கோனை நோக்கி கப்பல் சென்று கொண்டிருப்பதாக தெரிகிறது.
Story first published: Tuesday, June 23, 2009, 12:37 [IST]