17ம் தேதி இந்தியா வருகிறார் ஹில்லாரி
வாஷிங்டன்: அமெரிக்க வெளியுறவு அமைச்சர் ஹில்லாரி கிளிண்டன், 17ம் தேதி ஐந்து நாள் பயணமாக இந்தியா வருகிறார்.
தனது பயணத்தின்போது, பிரதமர் மன்மோகன் சிங், வெளியுறவு அமைச்சர் எஸ்.எம்.கிருஷ்ணா ஆகியோருடன் ஹில்லாரி பேச்சு நடத்துவார்.
17ம் தேதி மும்பை வந்து சேரும் ஹில்லாரி, பின்னர் 19ம் தேதி டெல்லி செல்கிறார் என்று வெளியுறவுத்துறை செய்தித் தொடர்பாளர் இயான் கெல்லி தெரிவித்துள்ளார்.
மும்பையில், பல்வேறு இந்தியக் குழுக்களை அவர் சந்தித்து உரையாடுகிறார். தீவிரவாதத் தாக்குதலில் பலியானவர்களுக்கு இரங்கல் தெரிவித்து அஞ்சலி செலுத்துகிறார்.
டெல்லி பயணத்தின்போது மன்மோகன் சிங், எஸ்.எம்.கிருஷ்ணாவை ஹில்லாரி சந்திப்பார். மேலும், எதிர்க்கட்சித் தலைவர்கள், அரசு உயர் அதிகாரிகள், தொழிலதிபர்கள், விஞ்ஞானிகள் என பல்வேறு தரப்பினரையம் ஹில்லாரி டெல்லி பயணத்தின்போது சந்திக்கிறார்.
ஜூலை 21ம் தேதி தனது இந்தியப் பயணத்தை முடித்துக் கொண்டு தாய்லாந்து கிளம்பிச் செல்கிறார்.