அமெரிக்காவில் விபரீதம்- 4 வயது சிறுவன் சுட்ட 2 வயது தங்கை படுகாயம்
லாஸ் வேகாஸ்: அமெரிக்காவின் துப்பாக்கி் கலாச்சாரத்தின் இன்னொரு விபரீதமாக, லாஸ் வேகாஸ் நகரில், 2 வயது சிறுமியை, அவளது 4 வயது அண்ணன் சுட்டு விட்டான். அந்தச் சிறுமி உயிருக்கு ஆபத்தான நிலையில், மருத்துவமனையில் சேர்க்கப்பட்டுள்ளாள்.
அது 9 எம்எம் துப்பாக்கியாகும். வெள்ளிக்கிழமை இரவு அந்த சிறுவன் தனது தந்தையின் துப்பாக்கியை எடுத்து விளையாடியுள்ளான். அது குண்டு நிரப்பப்பட்டிருந்த துப்பாக்கியாகும்.
அப்போது திடீரென துப்பாக்கியின் ஸ்டிரைக்கரை அழுத்தி விட்டான். அதிலிருந்து வெளியேறிய குண்டு, சிறுமியைத் தாக்கியது.
சம்பவத்தின்போது சிறுவனின் தந்தையும் வீட்டில்தான் இருந்துள்ளார். உடனடியாக சிறுமியை மருத்துவமனைக்குக் கொண்டு சென்று அனுமதித்தனர்.
வீட்டில் துப்பாக்கியை சிறார்களின் கைக்கு எட்டாத வகையில் வைக்காமல் இருந்ததே இந்த சம்பவம் நடந்ததற்குக் காரணம் என்று போலீஸார் தெரிவித்துள்ளனர். அஜாக்கிரதையாக இருந்ததற்காக சிறார்களின் தந்தை மீது வழக்கு தொடரப்படலாம் எனத் தெரிகிறது.