• search
For Quick Alerts
ALLOW NOTIFICATIONS  
For Daily Alerts

யுஎஸ்-சாலையில் ஓடி கார்களில் மோதிய விமானம்

By Staff
|

சான்டா பார்பரா: அமெரிக்காவில் குட்டி விமானம் ஒன்று எரி பொருள் தீர்ந்த நிலையில் விபத்தை தவிர்க்க அவசரமாக சாலையில் தரையிறங்கியது. இதை எதிர்பாராத மூன்று கார்கள் அந்த விமானத்தில் மோதின. அதிர்ஷ்டவசமாக இந்த சம்பவத்தில் யாருக்கும் காயம் ஏற்படவில்லை.

அமெரிக்காவின் கலிபோர்னியா மாகாணத்தில் உள்ள சான்டா பார்பரா என்ற நகருக்கு நேற்று பைபர் பிஏ-24 என்ற குட்டி விமானத்தில் இரண்டு பேர் வந்து கொண்டிருந்தனர்.

அந்நகரின் விமான நிலையத்துக்கு சுமார் 2 கிமீ தூரத்தில் விமானம் வந்து கொண்டிருந்த போது எரி பொருள் சுத்தமாக தீர்ந்துவிட்டதை விமானி அறிந்தார். இதையடுத்து அவர் விமான நிலையத்தை தொடர்பு கொண்டு விஷயத்தை சொன்னார்.

பின்னர் வேறு வழயில்லாமல் அவசரம் அவசரமாக அந்த குட்டி விமானத்தை அமெரிக்காவின் தேசிய நெடுஞ்சாலை 101ல் இறங்கினார். அது மிகவும் பிசியான நெடுஞ்சாலை வாகன நெருக்கடி அதிகமாக இருந்தது.

அப்போது அந்த வழியாக வந்த மூன்று கார்கள் திடீரென்று தரையிறங்கிய விமானத்தின் மீது முட்டி மோதின.

அதிர்ஷ்டவசமாக இந்த விபத்தில் யாருக்கும் எந்த காயமும் ஏற்படவில்லை. தற்போது அமெரிக்க போலீசார் விமானத்தை சாலையில் இருந்து அப்புறப்படுத்தும் பணியில் ஈடுபட்டுள்ளனர்.

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X