அமெரிக்காவுக்கு எதிராக சீனா- ரசியா கூட்டு ராணுவ பயிற்சி மேற்கொள்கிறது
பெய்ஜிங்: ஆசிய-பசிபிக் பிராந்தியத்தில் அமெரிக்காவின் தலையீட்டுக்கு எதிராக ரசியாவும் சீனாவும் இணைந்து கூட்டு ராணுவப் பயிற்சி மேற்கொள்ள முடிவு செய்துள்ளன.
சீன தலைநகர் பெய்ஜிங்கில் ஆசிய நாடுகள் கூட்டமைப்பு மாநாடு நடக்கிறது. இதில் ரசிய அதிபர் விலாடிமிர் புதின் பங்கேற்றுள்ளனர்.
இந்தக் கூட்டத்தில் ஆசிய-பசிபிக் பிராந்தியத்தில் அமெரிக்காவின் தலையீடு பற்றி விவாதிக்கப்பட்டது.
2020-ம் ஆண்டுகளில் அமெரிக்கா தனது போர்க்கப்பல்களை இந்த பிராந்தியத்தில் நிறுத்தப்போவதாக அறிவித்துள்ளது. அமெரிக்காவின் இந்த நடவடிக்கைக்கு எச்சரிக்கை விடுக்கும் வகையில் ரசிய -சீனா கூட்டாக ராணுவ பயிற்சியில் ஈடுபட முடிவு செய்துள்ளனர்.
அதுதொடர்பாக ரசிய அதிபர் புதின் சீன தலைவர்களுடன் விவாதித்தார். இது பற்றி புதின் கூறுகையில், ரசியாவும் சீனாவும் கூட்டாக ராணுவ பயிற்சியில் ஈடுபட முடிவு செய்துள்ளோம். ஏற்கனவே சோதனை முறையில் மஞ்சள் கடல் பகுதியில் கூட்டு ராணுவ பயிற்சி நடைபெற்றது. இந்த கூட்டு ராணுவ பயிற்சி நீடிக்கும் என்றார்.
Click it and Unblock the Notifications
Sign in with Google