நாடெல்லாம் கடத்தலை.. கோவையில் இருந்து விரட்டப்பட்ட இலங்கை அமைச்சர்

கொழும்பு: கோயம்புத்தூரில் தமிழ் அமைப்புகளின் போராட்டத்தால் இந்தியாவிலிருந்து தாங்கள் வெளியேறவில்லை என்றும் இந்தியாவுடன் சீரான உறவை விரும்பி தாங்களாகவே வெளியேறியதாகவும் இலங்கை அமைச்சர் ரெஜினால்டு கூரே கூறியுள்ளார்.

கொழும்பில் நடைபெற்ற நிகழ்ச்சி ஒன்றில் அவர் பேசியதாவது:

௭னது தலைமையில் அதிகாரிகளின் குழு இந்தியாவில் உள்ள உத்தரப்பிரதேசத்திற்கு பயணம் செய்தோம். அங்கு எங்களுக்கு சிறந்த வரவேற்பும் பாதுகாப்பும் வழங்கப்பட்டது. இந்த பயணத்தின் ஒரு கட்டமாகவே தமிழகத்தில் உள்ள கோயம்புத்தூருக்கும் செல்ல வேண்டியிருந்தது.

அப்போது, சானல் 4 தொலைக்காட்சிக்கு போலித் தகவல்களையும், படங்களையும் வழங்கி இலங்கைக்கு ௭திரான பட த்தை தயாரித்த தயாரிப்பாளர்களில் ஒருவரான சீமான் மற்றும் வைகோ குழுவினர் ௭மது வருகையை ௭திர்த்து போராட்டங்களை நடத்த திட்டமிட்டனர்.

இது குறித்து தமிழக போலீசார் எங்களுக்கு உரிய தகவல் கொடுத்தனர். இதனையடுத்தே வீண் பிரச்சினைகளில் சிக்கிக் கொள்ளாமல், இரு நாட்டு உறவிற்கும் பாதிப்பு ஏற்படாத வகையில் சுய விருப்பத்தின் பேரில் நானும் ௭னது குழுவினரும் இந்தியாவில் இருந்து வெளியேறி இலங்கை வந்தடைந்தோம்.

யாரும் ௭ங்களை வெளியேற்றவோ நாடு கடத்தவோ இல்லை. இந்திய அரசு ௭ங்களது பயணத்திற்கு முழு ஒத்துழைப்பையும் பாதுகாப்பையும் வழங்கியது. குறிப்பிட்ட ஒரு சிறு குழுவினரே அரசியல் நோக்கங்களுடன் செயல்பட்டனர். இவர்களின் சுயநல நோக்கங்களுக்காக இந்தியாவுடன் முரண்பட தேவையில்லை என்றார் அவர்.

English summary

Sri Lanka's Minister of Minor Export Crop Promotion Reginald Cooray has said that he cancelled his visit to Tamil Nadu since it became an opportunity for the extremists to make a spectacle.