2013ல் 2வது தடவையாக இன்று ஓரேயடியாக சரிந்த தங்கத்தின் விலை: ரூ.600 குறைவு

சென்னை: கடந்த ஏப்ரல் 15ம் தேதிக்கு பிறகு இன்று தான் தங்கத்தின் விலை வெகுவாகக் குறைந்துள்ளது. 10 கிராமுக்கு ரூ.600 குறைந்து ரூ.27,300க்கு விற்பனை செய்யப்படுகிறது.

தங்கத்தின் விலை கடந்த ஏப்ரல் மாதம் 15ம் தேதி 10 கிராமுக்கு ரூ.1,160 ஒரேயடியாகக் குறைந்து ரூ.26, 640க்கு விற்பனை செய்யப்பட்டது. அதன் பிறகு தங்கத்தின் விலை குறைவதும், அதிகரிப்பதுமாக உள்ளது. இருப்பினும் பெரிய அளவில் விலை அதிகரிக்கவும் இல்லை, குறையவும் இல்லை. இந்நிலையில் இந்த ஆண்டின் இரண்டாவது தடவையாக இன்று தங்கத்தின் விலை வெகுவாகக் குறைந்துள்ளது.

10 கிராம் தங்கத்தின் விலை ரூ.600 குறைந்து ரூ.27,300க்கு விற்பனை செய்யப்படுகிறது. இதே போன்று வெள்ளியின் விலை கிலோவுக்கு ரூ.800 குறைந்து ரூ.44,700க்கு விற்கப்படுகிறது.

இன்று சென்னையில் ஒரு பவுன் ஆபரணத் தங்கத்தின் விலை ரூ.168 குறைந்து ரூ.20,368க்கு விற்பனையாகிறது. மேலும் கிராமுக்கு ரூ.21 குறைந்து ஒரு கிராம் தங்கம் ரூ.2,546க்கு விற்பனை செய்யப்படுகிறது.

English summary

Gold price on Wednesday witnessed its second biggest loss this year of Rs 600 to Rs 27,300 per 10 grams due to reduced offtake amid weak global trend. Silver prices followed suit and dropped by a massive Rs 800 to Rs 44,700 per kg on reduced offtake by jewellers and industrial units.