தடுமாறும் தங்க விலை: காத்து வாங்கும் நகைக்கடைகள்
சென்னை: தங்கத்தின் விலை ஏறுவதும், இறங்குவதுமாக இருப்பதால் மக்கள் தங்கத்தை வாங்குவதை விட விற்க அதிக ஆர்வம் காட்டி வருகின்றனர்.
தங்க விலை நிலையில்லாமல் உள்ளது. இந்நிலையிலும் மக்கள் தங்கத்தின் மீது மோகம் கொண்டதால் நகைக்கடைகளின் எண்ணிக்கையும் கணிசமாக அதிகரித்து வந்தது.
ஒவ்வொரு கடையும் வியாபாரத்தை அதிகரிக்க போட்டி போட்டுக் கொண்டு சலுகைகளை அறிவித்து வருகிறது.
கடலூரில் தங்கம்
வழக்கமாக சென்னையை விட நகைக்கடைகள் அதிகம் உள்ள கடலூரில் தங்கத்தின் விலை கிராமுக்கு ரூ.5 அல்லது ரூ.10 கூடுதலாக இருக்கும். ஆனால் கடந்த 2 வாரமாக கடலூரில் சென்னையைவிட ரூ.200க்கு குறைவாகவே ஒரு கிராம் தங்கம் விற்கப்படுகிறது.
காத்து வாங்கும் கடைகள்
கடலூர் மாவட்ட தங்க சந்தையில் தங்கத்தின் விலை வெகுவாக குறைந்திருந்தபோதும் நகைக்கடைகளி்ல் விற்பனை சரியாக நடக்கவில்லை.
தங்கம் விற்க வரும் மக்கள்
நகைக்கடைகளில் தங்கத்தை வாங்க வரும் மக்களை விட விற்க வருவோரின் எண்ணிக்கை அதிகரித்துள்ளது.
குறைவான விலைக்கு
கடலூர் மாவட்டத்தில் தங்கத்தின் விலை குறைவாக இருக்கின்றபோதிலும் நகை விற்பனை என்னவோ 10 சதவீதம் தான் நடைபெறுகிறது. அதே சமயம் தங்கத்தை கடைகளில் விற்க 80 சதவதீம் பேர் வருகின்றனர். தங்க கொள்முதல் மட்டுமே கடைகளில் நடப்பதால் கடைக்காரர்கள் தங்கள் கொடுக்கும் தங்கத்திற்கு குறைவான தொகை அளிப்பதாக மக்கள் தெரிவித்துள்ளனர்.
Click it and Unblock the Notifications
Sign in with Google