ஜிஎஸ்டி - தங்கத்திற்கு 5% வரி - ஜூன் 3ல் அறிவிப்பு?

தங்கம் மீதான ஜிஎஸ்டி வரி விதிப்பு எவ்வளவு என்பது குறித்து, வரும் ஜூன் 3ஆம் தேதி அறிவிக்கப்படும் என்று எதிர்பார்க்கப்படுகிறது.

சென்னை: நாடு முழுவதும் சரக்கு மற்றும் சேவை வரி சட்டத்தை ஜூலை மாதத்தில் இருந்து அமல்படுத்த மத்திய அரசு தீவிரமாக உள்ளது. இது வரையில் தங்கம் மீதான ஜிஎஸ்டி வரி விதிப்பு எவ்வளவு என்பது என முடிவு செய்து அறிவிக்கவில்லை. தங்கத்திற்கு 5 சதவிகிதம் வரை வரி விதிக்கப்படலாம் என்று எதிர்பார்க்கப்படுகிறது.

நாடு முழுவதும் ஒரே மாதிரியான வரி விதிப்புக்கு வகை செய்யும் ஜிஎஸ்டி வரி ஜூலை 1ம் தேதியில் இருந்து நாடு முழுவதும் அமல்படுத்தப்பட இருக்கிறது. இவற்றில் வரி விதிப்பு 4 வகையாக பிரிக்கப்பட்டுள்ளது. இதன்படி 5, 12, 18, 28 சதவீதம் என நான்கு பிரிவாக வரி விதிப்பு இருக்கும்.

தங்கத்திற்கு எத்தனை சதவிகிதம் வரி விதிக்கப்படும் என்று இதுவரை அறிவிப்பு வெளியாகவில்லை. தங்கத்திற்கு 5% வரை வரி விதிக்கப்படலாம் என்று எதிர்பார்க்கப்படுகிறது.

தற்போது தங்கத்திற்கு இறக்குமதி வரி 10 சதவிகிதம், 1 சதவிகிதம் வாட் வரி, 1 சதவிகிதம் கலால் வரி விதிக்கப்படுகிறது.

தங்கத்தில் முதலீடு செய்வது தமிழக மக்களின் பாரம்பரியமாக இருக்கிறது. மற்ற பங்குசந்தை, ரியல்எஸ்டேட் போன்ற துறைகளில் பண மதிப்பு நிலையாக இல்லாமல், அடுத்தடுத்து மாற்றங்கள் ஏற்படுவதே இதற்கு காரணமாகும். இதற்கிடையே, தங்கம் மீதான ஜிஎஸ்டி வரி விதிப்பு வரும் 3ஆம் தேதி அறிவிக்கப்படுகிறது.

தங்கத்திற்கு ஜிஎஸ்டி 2 சதவீதத்துக்குள் இருக்கும் என எதிர்பார்க்கிறோம் என்று நகை விற்பனையாளர்கள் கூறியுள்ளனர். தங்கம் மீதான ஜிஎஸ்டி வரி அதிகமாக இருந்தால் அதிகளவில் பாதிப்பு ஏற்படும். தங்கம் விலை உயரும் அபாயம் ஏற்படும். கடத்தல் அதிகரிக்கவும் வாய்ப்புள்ளது என்றும் அவர்கள் தெரிவித்துள்ளனர். எனவே இறக்குமதி வரியை குறைக்க வேண்டும் என்றும் கோரிக்கை விடுத்துள்ளனர்.

எனினும் தங்கத்திற்கு 5 சதவிகிதம் வரை வரி விதிக்கப்படலாம் என்றும் தகவல்கள் தெரிவிக்கின்றன. ஜூன் 3 ஆம் தேதி நடைபெறும் கூட்டத்தில் இது குறித்து முடிவு எடுக்கப்பட்டு அறிவிக்கப்படலாம் என்றும் தகவல்கள் தெரிவிக்கின்றன.

English summary

The GST Council may settle for a 5% tax on gold, a keenly awaited item for discussion in the June 3 meeting, which perhaps will be the last for fitment of rates.