திருமணத்திற்கு இன்சூரன்ஸ்...என்னென்ன ரிஸ்க் கவரேஜ் இருக்கு தெரியுமா?

திருமண இன்சூரனஸ் திட்டம் திருமணத்திற்கு சில நாள்களுக்கு முன்பு தொடங்கி அந்த திருமணம் முழுமையாக முடிந்தவுடன் முடிந்துவிடுகிறது. இது நான்கு விதமான ரிஸ்க்குகளை கவர் செய்கிறது.

Updated: Monday, October 29, 2018, 14:16 [IST]

Subscribe to Oneindia Tamil

சென்னை: இயற்கை இடர்பாடுகள், மணமகனுக்கு அல்லது மணமகளுக்கு ஏற்படும் விபத்து, இரத்த உறவினர்களுக்கு ஏற்படும் விபத்து, நகை திருட்டு போய்விட்டால் திருமணம் தள்ளிப் போனால் அல்லது நின்று போனால் திருமண இன்சூரன்ஸ் பாலிசி இந்த இழப்பைச் சரி செய்கிறது.

திருமணங்கள் சொர்க்கத்தில் நிச்சயிக்கப்படுகின்றன என்கின்றனர். ஆனால் இன்றைக்கு மேட்ரிமோனியல் சைட்டுகளில் பல்லாயிரக்கணக்கான திருமணங்கள் நிச்சயம் செய்யப்படுகின்றன. பத்திரிக்கை அடித்து மண்டபம் பேசி சொந்த பந்தங்களுக்கு அழைப்பு விடுத்து லட்சக்கணக்கில் செலவு செய்து நடைபெறும் திருமணங்கள் சில திடீர் நிகழ்வுகளினால் நின்று விடுகின்றன. இதனால் மன உளைச்சல் ஒரு பக்கம் இருக்க பொருளாதார ரீதியான இழப்பும் மற்றொரு பக்கம் ஏற்படுகிறது.

Wedding insurance products covers four primary risks

கோடிகளை செலவு செய்து திருமணம் செய்பவர்களும் இருக்கின்றனர். இந்த திருமணங்களுக்காகவும், திருமணம் நடைபெறும் போது ஏற்படும் பெறும் இழப்பை தவிர்ப்பதற்காகவும் திருமண இன்சூரன்ஸ் கடந்த சில ஆண்டுகாலமாக இந்தியாவில் அறிமுகப்படுத்தப்பட்டுள்ளது. வெளிநாடுகளில் பிரபலமாக உள்ள இந்த இன்சூரன்ஸ் பாலிசி இப்போது இந்தியாவிலும் பிரபலமடைந்து வருகிறது.

திருமணத் தேதிக்கு முன் 7 நாட்களில் இருந்து திருமணம் முடியும் வரை இயற்கை இடர்பாடுகள், மணமகனுக்கு அல்லது மணமகளுக்கு ஏற்படும் விபத்து, இரத்த உறவினர்களுக்கு ஏற்படும் விபத்து, திருமண விருந்து விஷமாகி உறவினர்கள் பாதிக்கப்படுதல், நகை திருடு போவதனால் திருமணம் நின்று போனாலும் இந்த திருமண இன்சூரன்ஸ் பாலிசி இந்த இழப்பை சரிசெய்யும்.

திருமணம் நடைபெறும் போது சொத்துக்களுக்கு ஏதாவது இழப்பு ஏற்பட்டால் அல்லது திருமண விருந்து விஷமாகி அது விருந்தினர்களைப் பாதித்தால் அதற்கான இழைப்பையும் இந்த இன்சூரன்ஸ் பாலிசிகள் கவர் செய்யும் என்று இன்சூரன்ஸ் நிறுவனங்கள் தெரிவித்துள்ளன.

அதே நேரத்தில் மணப்பெண் அல்லது மணமகன் இடையே கருத்து வேறுபாடு ஏற்பட்டு திருமணம் நின்று போனாலோ அல்லது இரு வீட்டாருக்கும் இடையே பிரச்சினை ஏற்பட்டு திருமணம் நின்று போனாலோ இந்த இன்சூரன்ஸ் பாலிசி கவர் ஆகாது என்றும் இன்சூரன்ஸ் நிறுவனங்கள் தெரிவித்துள்ளன.