சட்டசபைக்கு செல்லும் 22 சிங்கப்பெண்கள்.. லீமா ரோஸ் மார்டின் முதல் பிரேமலதா வரை.. யார் யார்? முழு லிஸ்ட்!

Updated: Tuesday, May 5, 2026, 19:49 [IST]

Subscribe to Oneindia Tamil

சென்னை: தமிழக சட்டசபை தேர்தல் நடந்து முடிந்துள்ள நிலையில் 22 பெண் வேட்பாளர்கள் வெற்றி பெற்றுள்ளனர். அதிமுக சார்பில் போட்டியிட்ட லீமா ரோஸ் மார்டின், தவெகவின் சத்யபாமா, பாமக சவுமியா அன்புமணி, பிரேமலதா விஜயகாந்த் உள்பட 22 பெண் எம்.எல்.ஏக்கள் சட்டசபைக்குள் செல்கின்றனர். இதில் விஜய்யின் தவெக சார்பில் மட்டும் 13 பெண் எம்.எல்.ஏக்கள் சட்டசபைக்கு செல்கின்றார்கள்.

தமிழகத்தில் தேர்தல் திருவிழா நடந்து முடிந்துள்ளது. மொத்தம் உள்ள 234 தொகுதிகளிலும் ஒரே கட்டமாக தேர்தல் நடந்து முடிந்தது. எஸ்.ஐ.ஆர் திருத்த பணிக்கு பிறகு நடந்த இந்த தேர்தலில் மொத்தம் 85 சதவீதத்தை தாண்டி வாக்குகள் பதிவானது. திமுக கூட்டணி, அதிமுக கூட்டணி, விஜய்யின் தவெக, நாம் தமிழர் கட்சி என 4 முனை போட்டி நிலவியது.

22 பெண் வேட்பாளர்கள்

நேற்று தேர்தலில் பதிவான வாக்குகள் எண்ணப்பட்ட நிலையில் விஜய்யின் தமிழக வெற்றிக் கழகம் 108 தொகுதிகளில் வெற்றி பெற்றது. முதல் தேர்தலிலேயே தனிப்பெரும் கட்சியாக விஜய்யின் தவெக சாதனை படைத்துள்ளது. திமுக கூட்டணி 73, அதிமுக கூட்டணி 53 தொகுதிகளில் வெற்றி பெற்றுள்ளன. 2026 சட்டசபை தேர்தலில் மொத்தம் 22 பெண் வேட்பாளர்களும் வெற்றி பெற்றுள்ளனர். கட்சி அடிப்படையில் என்று பார்க்கும் போது தவெகவில் இருந்து மட்டும் 13 பெண்கள் சட்டசபைக்கு செல்கின்றனர்.

தவெக - 13 பெண் எம்.எல்.ஏ.க்கள்

தமிழக சட்டமன்ற தேர்தலில் விஜய் கட்சி சார்பில் 13 பெண் எம்.எல்.ஏ.க்கள் வெற்றி பெற்று அசத்தி உள்ளனர். திமுகவில் ஒரு பெண் எம்.எல்.ஏ கூட வெற்றி பெறவில்லை. அதிமுக சார்பில் 6 பெண் எம்.எல்.ஏக்கள் சட்டசபை செல்ல இருக்கின்றனர். தமிழக சட்டசபைக்கு செல்லும் பெண் வேட்பாளர்கள் யார் யார் என்ற விவரம் பின் வருமாறு:-

1. காயல்விழி - 1,33,611
2. பல்லவி - 69,125
3. தஹீரா - 90,728
4. சித்ரா - 82,858

5. ஜெயலட்சுமி - 81,179
6. தமிழ் செல்வி - 72,391
7. கமலி - 84,058
8. சத்யபாமா - 1,31,401

9. கவிதா சந்தோஷ் - 1,46,466
10. சத்யா - 62,378
11. குமுதா - 72,601
12. ஜெயந்தி - 65,548
13. கீர்த்தனா - 68,709