தமிழகத்தில் 4 ஐபிஎஸ் அதிகாரிகள் அதிரடி இடமாற்றம்! சென்னை – ராமநாதபுரத்திற்கு புது அதிகாரிகள் நியமனம்
சென்னை: தமிழகத்தில் இன்று அதிரடியாக 4 ஐபிஎஸ் அதிகாரிகள் இடமாற்றம் செய்யப்பட்டுள்ளனர். சென்னையில் போக்குவரத்து பிரிவில் பணியாற்றி வரும் ஐபிஎஸ் அதிகாரிகள், ராமநாதபுரம் எஸ்பி ஆகியோர் மாற்றப்பட்டு புதிய பொறுப்புகள் வழங்கப்பட்டுள்ளது.
இதுதொடர்பாக தமிழக அரசின் முதன்மை செயலாளர் கார்த்திக் வெளியிட்டுள்ள உத்தரவில் கூறப்பட்டுள்ளதாவது:
* எஸ்பி அந்தஸ்தில் சென்னை காவல்துறை தலைமை அலுவலகத்தில் காலிப்பணியிட ஒதுக்கீட்டில் இருந்த ஐபிஎஸ் அதிகாரி ஹரி கிரண் பிரசாத் ராமநாதபுரம் மாவட்ட எஸ்பியாக நியமனம் செய்யப்பட்டுள்ளார்.
* ராமநாதபுரம் எஸ்பியாக பணியாற்றி வரும் சந்தேஷ், சென்னை தெற்கு போக்குவரத்து பிரிவு துணை ஆணையராக நியமனம் செய்யப்பட்டுள்ளார்.
* சென்னை தெற்கு போக்குவரத்து பிரிவு துணை ஆணையராக இருந்த முத்துகுமார், சென்னைஆவடி போக்குவரத்து பிரிவு துணை ஆணையராக மாற்றப்பட்டுள்ளார்.
* சென்னை ஆவடி போக்குவரத்து பிரிவு துணை ஆணையர் ஈஸ்வரன், தாம்பரம் காவல் ஆணையரக எல்லைக்குட்பட்ட பள்ளிக்கரணை துணை ஆணையராக நியமிக்கப்பட்டுள்ளார்.
Click it and Unblock the Notifications
Sign in with Google
