வயசு 7தான்.. ரவீந்திரநாத் வாயை திறந்தா... குவியல் குவியலாக பல்... 5 மணி நேர ஆபரேஷன்!

7 வயது சிறுவன் வாயில் 526 பற்களை அகற்றி சென்னை டாக்டர்கள் சாதனை புரிந்துள்ளனர்

சென்னை: "வாயெல்லாம் பல்-ன்னு சும்மா ஒரு பேச்சுக்கு சொல்லுவோம்.. ஆனால் நிஜமாவே 7 வயசு பையனுக்கு வாயெல்லாம் பல்-தான்.. மொத்தம் 526 பற்கள்!

சென்னையை சேர்ந்தவர் பிரபுதாஸ். இவர் ஒரு தனியார் கம்பெனியில் வேலை பார்த்து வருகிறார். இவருக்கு ரவீந்திரநாத் என்ற 7 வயது மகன் உள்ளான்.

அவனுக்கு சின்ன வயசில் இருந்தே வலது கன்னம் வீக்கமாக இருந்திருக்கிறது. அதனால் 3 வயசு இருக்கும்போது, பக்கத்தில் உள்ள அரசு ஆஸ்பத்திரிக்கு கொண்டு போய் காட்டி உள்ளனர். ஆனால் சாதாரண பரிசோதனை மட்டும் செய்துவிட்டு அனுப்பி வைத்துவிட்டனர்.

நாள், ஆக, ஆக முகத்தில் வீக்கம் அதிகமாகி கொண்டே வந்தது. இதனால் பதறிபோன பிரபுதாஸ் உடனடியாக சிறுவனை சவிதா தனியார் பல் ஆஸ்பத்திரிக்கு அழைத்து வந்தனர். அப்போது, எக்ஸ்ரே, சிடி ஸ்கேன்.. இதெல்லாம் எடுத்து பார்த்தபோதுதான் தெரிந்தது.. சிறுவனுக்கு கீழ் தாடையில், பற்கள் குவியல் குவியலாக இருந்திருக்கிறது.. கண்ணுக்கே இதெல்லாம் தெரியவில்லையாம். குட்டி குட்டியாக.. 526 பற்கள் இருந்திருக்கறது.

அதனால் ஆபரேஷன் செய்ய முடிவு செய்தார்கள். இதை ஒரு சவாலாகவும் டாக்டர்கள் எடுத்து கொண்டு, கிட்டத்தட்ட 5 மணி நேரம் ஆபரேஷன் செய்து, வாயிலிருந்த 526 பற்களையும் நீக்கி சாதித்துவிட்டனர். ஆபரேஷன் நடந்து 3 நாளைக்கு பிறகு சிறுவன் நார்மல் நிலைமைக்கு திரும்பி இருக்கிறானாம்.

ஒரு வாயில் இத்தனை பற்களை இதுவரைக்கும் நீக்கியதே இல்லையாம்.. இதுதான் முதல்முறை என்றும், இது ஒரு சாதனை என்றும் சொல்கிறார்கள் டாக்டர்கள்!

English summary

7 year old boy has 526 teeth in his mouth and Chennai Saveetha Dental Hospital dentists remove them all