சித்ரா அணிந்தது கால்ஸ் படத்தில் பயன்படுத்திய நைட்டி.. ரொம்ப பிடிச்சிருக்குனு கேட்டு வாங்கிய சோகம்

Updated: Tuesday, December 15, 2020, 13:14 [IST]

சென்னை: சின்னத்திரை நடிகை சித்ரா இறக்கும் போது அணிந்திருந்த நைட்டி கால்ஸ் படத்தில் அவர் பயன்படுத்தியது என அந்த படத்தின் இயக்குநர் உருக்கமாக தெரிவித்துள்ளார்.

சின்னத்துரை நடிகை சித்ரா கடந்த புதன்கிழமை நசரத்பேட்டையில் உள்ள நட்சத்திர ஹோட்டலில் தூக்கிட்டு தற்கொலை செய்து கொண்டார். அவரது மரணம் தற்கொலை என உறுதியான நிலையில் போலீஸார் தற்கொலைக்கு தூண்டியது யார் என்பது குறித்து விசாரணை நடத்தி வருகிறார்கள்.

இந்த நிலையில் சித்ராவுக்கும் ஹேமந்துக்கும் இடையே கடந்த அக்டோபரில் பதிவு திருமணம் நடைபெற்றது. இதனால் இந்த மரணம் குறித்து வருவாய் கோட்டாட்சியர் விசாரணைக்கு உத்தரவிடப்பட்டுள்ளது.

கால்ஸ் திரைப்படம்

இந்த நிலையில் சித்ரா கால்ஸ் எனும் திரைப்படத்தில் கதாநாயகியாக நடித்துள்ளார். இந்த படத்தை ஜெ சபரீஷ் இயக்கியுள்ளார். இந்த படத்தில் சித்ரா, நந்திதா எனும் கதாபாத்திரத்தில் நடித்துள்ளார். அவர் பிபிஓவில் பணியாற்றுவது போல் நடித்துள்ளார்.

இயக்குநர்

இந்த படத்தின் பர்ஸ்ட் லுக் நேற்று முன் தினம் வெளியானது. ஆனால் இதை பார்க்க சித்ரா உயிருடன் இல்லையே என கால்ஸ் பட குழு ஆழ்ந்த வேதனையை தெரிவித்துள்ளது. இந்த நிலையில் சித்ரா இறக்கும் போது அணிந்திருந்த நைட்டி குறித்து கால்ஸ் பட இயக்குநர் சபரீஷ் சில கருத்துகளை தெரிவித்துள்ளார்.

கால்ஸ் படம்

சித்ரா அணிந்திருந்த நைட்டி கால்ஸ் படத்திற்காக வாங்கியதாம். அந்த நைட்டி தனக்கு மிகவும் பிடித்திருந்ததால் அதை தான் எடுத்து கொள்வதாக கேட்டு வாங்கிச் சென்றார். கடைசியில் தனக்கு பிடித்த நைட்டியில் தூக்கிட்டு தற்கொலை செய்து கொண்டது வேதனையை ஏற்படுத்துவதாக உள்ளது என தெரிவித்துள்ளது படக்குழு.

சிறையில்

சித்ராவின் கணவர் ஹேமந்த்திடம் கடந்த 6 நாட்களாக விசாரணை நடத்தி வந்த நிலையில் நேற்று அவர் கைது செய்யப்பட்டார். பின்னர் சித்ராவின் தாய் விஜயாவிடம் ஆர்டிஓ விசாரணை நேற்று நடைபெற்றது. இந்த நிலையில் இன்று ஹேமந்த் சிறையில் அடைக்கப்படுவார் என தெரிகிறது.