பெரும் படையுடன் தவெகவில் இணைந்தார்! அதிமுக முன்னாள் எம்எல்ஏ வி.பி.பெரியசாமியின் அண்ணன் அருணாச்சலம்

சென்னை: அதிமுக முன்னாள் எம்எல்ஏ வி.பி.பெரியசாமியின் அண்ணன் அருணாச்சலம் தலைமையில் 100-க்கும் மேற்பட்டோர் அக்கட்சியில் இருந்து விலகி தவெகவில் இணைந்தனர்.

கடந்த சில தினங்களுக்கு முன்பு செங்கோட்டையனின் அண்ணன் மகன் கே.கே.செல்வம், அதிமுக பொதுச் செயலாளர் எடப்பாடி பழனிசாமி முன்னிலையில் அக்கட்சியில் இணைந்தார்.

இந்த நிலையில் அதிமுக முன்னாள் எம்எல்ஏ பெரியசாமியின் அண்ணன் அருணாச்சலம் தற்போது அதிமுகவில் இருந்து விலகி, தவெகவில் இணைந்துள்ளார். அதிமுகவில் இருந்து நீக்கப்பட்ட செங்கோட்டையனுக்கு கொடுக்கப்பட்ட டாஸ்க்கே, அதிமுகவில் இருந்து செல்வாக்குடைய நபர்களை தவெக பக்கம் இழுப்பதுதான்.

வரும் 18ஆம் தேதி ஈரோட்டில் விஜய் தலைமையில் பொதுக் கூட்டம் நடைபெறுகிறது. இந்த கூட்டத்தை சிறப்பாக நடத்தி முடிக்க செங்கோட்டையன் தீவிரம் காட்டி வருகிறார். அன்றைய தினம் விஜய்யே திக்குமுக்காடும்படியான கூட்டத்தை சேர்க்கவும் அவர் முயற்சித்து வருகிறார்.