ஆறாவது நாளாக தொடர்ந்து குறைந்த பெட்ரோல், டீசல் விலை.. சென்னையில் இன்றைய ரேட் இதுதான்
Recommended Video
சென்னை: பெட்ரோல், டீசல் விலை தொடர்ந்து 6வது நாளாக இன்றும் குறைந்துள்ளது. தெலுங்கானா, மத்திய பிரதேசம் உட்பட ஐந்து மாநில தேர்தல்கள் நெருங்கி வரும் நிலையில், பெட்ரோல், டீசல் விலைகள் அதுவரை உயர்த்தப்பட வாய்ப்பில்லை என்று தகவல்கள் தெரிவிக்கின்றன.
இன்றைய நிலவரப்படி, சென்னையில் பெட்ரோல் லிட்டருக்கு ரூ. 84.53 காசுகளாகவும், டீசல் லிட்டருக்கு ரூ. 79.15 காசுகளாகவும் விலை நிர்ணயம் செய்யப்பட்டுள்ளன. நேற்றைய விலையில் இருந்து பெட்ரோல் விலை 11 காசுகள் குறைந்து, டீசல் விலை 7 காசுகள் குறைந்து விற்பனையாகிறது என்பது குறிப்பிடத்தக்கது.
இதன் மூலம், கடந்த 18ம் தேதி முதல், தொடர்ந்து ஆறாவது நாளாக பெட்ரோல், டீசல் விலை நாடு முழுக்க குறைக்கப்பட்டு வருகிறது. 5 மாநிலங்களுக்கான, தேர்தல் நடைபெறும் வரை, பெட்ரோல், டீசல் விலை குறைய வாய்ப்புள்ளது என்கிறார்கள் அரசியல் பார்வையாளர்கள்.