'இரட்டை தலைமை' எல்லாம் சரிப்பட்டு வராது.. சசிகலாவுக்கு கீழ் அதிமுக வரும்.. கார்த்தி சிதம்பரம் பளிச்
சென்னை: அதிமுக தொண்டர்களிடம் சசிகலா பேசும் ஆடியோ தொடர்ந்து வெளியாகி வரும் நிலையில், அதிமுக இரட்டை தலைமையின் கீழ் செயல்பட முடியாது என்றும் விரைவில் சசிகலா அக்கட்சியின் தலைமையை ஏற்பார் என்றும் காங்கிரஸ் எம்பி கார்த்தி சிதம்பரம் தெரிவித்துள்ளார்.
சொத்துக்குவிப்பு வழக்கில் கடந்த 4 ஆண்டுகளாகச் சிறையிலிருந்த சசிகலா இந்தாண்டு ஜனவரி மாதம் விடுதலை செய்யப்பட்டார். சட்டசபை தேர்தலில் சசிகலாவின் தாக்கம் பெரியதாக இருக்கும் என எதிர்பார்க்கப்பட்டது,
இருப்பினும் தேர்தலுக்கு சில காலம் முன் தான் அரசியலில் இருந்து ஒதுக்கியிருப்பதாக அறிவித்தார். இருப்பினும், தேர்தலுக்குப் பிறகு கடந்த சில வாரங்களாகவே அவர் அதிமுக தொண்டர்களுடன் உரையாடி வருகிறார்.
சசிகலா ஆடியோ
இது தொடர்பான ஆடியோக்களும் தொடர்ந்து வெளியாகி வருகிறது. முதலில் இதை மறுத்த அதிமுக தலைமை, பின்னர் இது தொடர்பாக 15க்கும் மேற்பட்ட நிர்வாகிகளைக் கட்சியிலிருந்து நீக்கியது. இந்நிலையில், இன்று சசிகலாவின் புதிய ஆடியோ ஒன்று வெளியாகியிருந்தது. அதில் அவர் யாரும் கவலை கொள்ள வேண்டாம் என்றும் நிச்சயம் அதிமுக தலைமை ஏற்பேன் என்றும் தெரிவித்திருந்தார்.
சசிகலா தலைமை
இந்நிலையில், சசிகலா தலைமையில் விரைவில் அதிமுக செயல்படத் தொடங்கும் எனக் காங்கிரஸ் எம்பி கார்த்தி சிதம்பரம் தெரிவித்துள்ளார். இன்று மயிலாடுதுறை எம்எல்ஏ அலுவலகத்தில் செய்தியாளர்களைச் சந்தித்த அவர், "அதிமுகவால் எப்போதும் இரட்டை தலைமையின் கீழ் செயல்பட முடியாது. இப்போது நடைபெறும் நிகழ்வுகளை எல்லாம் பார்க்கும்போது, அதிமுக விரைவில் சசிகலா தலைமை கீழ் செயல்படத் தொடங்கும்.
நீட் தேர்வு
தமிழ்நாட்டைப் பொருத்தவரை நீட் தேர்வு என்பது தேவையற்ற ஒன்று தான். இதைச் சட்ட ரீதியாக எதிர்கொள்ள வேண்டிய நிலையில் இப்போது தமிழ்நாடு அரசு உள்ளது. இந்த ஆண்டில் நீட் தேர்வு நடந்தாலும்கூட, தமிழ்நாடு அரசின் முயற்சி நிச்சயம் அடுத்தாண்டு வெல்லும். மேலும், கொங்கு நாடு கோரிக்கையை யாரும் முன் வைக்கவில்லை. அதைக் காங்கிரஸ் ஆதரிக்கவும் செய்யாது" என்றார்.
பாஜக
தொடர்ந்து மத்திய பாஜக அரசு குறித்துப் பேசிய அவர், "பாஜகவில் பழைய தலைவர்கள் அனைவரும் ஓரம் கட்டப்படுகின்றனர். வாஜ்பாய், அத்வானி காலத்திலிருந்து கட்சிக்காக உழைத்தவர்கள் புறக்கணிக்கப்படுகிறார்கள். மோடி தனது விசுவாசிகளுட்டு மட்டுமே முக்கிய பதவிகளை வழங்குகிறார்" என்றும் அவர் விமர்சித்தார்.
Click it and Unblock the Notifications
Sign in with Google