சிமுலேஷன் செய்து பார்த்த விமானிகள்.. ஏர் இந்தியா விமான விபத்திற்கு பின்.. இப்படி ஒரு காரணமா? ஷாக்

அகமதாபாத்: அகமதாபாத்தில் ஏர் இந்தியா விமானம் விபத்துக்குள்ளானதற்கான காரணங்கள் இன்னும் முழுமையாக கண்டறியப்படாத நிலையில், விமானிகள் நடத்திய சிமுலேட்டர் சோதனையில் தொழில்நுட்ப கோளாறு காரணமாக இருக்கலாம் என்று தெரிய வந்துள்ளது.

ஏர் இந்தியா விமான விபத்து: விமானிகள் கண்டறிந்தது என்ன?

ஏர் இந்தியா AI 171 விமானம் ஜூலை 2, 2025 அன்று அகமதாபாத்தில் புறப்பட்ட சில நொடிகளில் மருத்துவக் கல்லூரி வளாகத்தில் விழுந்து நொறுங்கியது. இந்த விபத்தில் விமானத்தில் இருந்த 242 பயணிகளில் ஒருவர் மட்டுமே உயிர் பிழைத்தார். தரையில் இருந்த 34 பேரும் உயிரிழந்தனர். இந்த விபத்துக்கான காரணம் இன்னும் அதிகாரப்பூர்வமாக அறிவிக்கப்படாத நிலையில், ஏர் இந்தியா விமானிகள் விமான சிமுலேட்டர் மூலம் சில சோதனைகளை மேற்கொண்டனர். இந்த சோதனையில், விமானத்தின் லேண்டிங் கியர் (Landing gear) இறக்கப்பட்ட நிலையிலும், இறக்கை flaps (Wing flaps) உள்வாங்கப்பட்ட நிலையிலும் விமானத்தை இயக்கி உள்ளனர். இதன் காரணமாக விமானம் விபத்தில் சிக்கி இருக்கலாம் என்கின்றனர்.

விமானம் புறப்படும்போது, தரையிறங்கும் சக்கரங்கள் உள்ளே இழுக்கப்பட வேண்டும். இறக்கையில் இருக்கும் ஃபிளாப்ஸ் எனப்படும் அமைப்புகள் விரிந்த நிலையில் இருக்க வேண்டும். அதாவது தாழ்ந்த நிலையில் இருக்க வேண்டும். விமானம் மேலே எழும்பி சில நொடிகளில் "கியர் அப்" என்று விமானி கூறுவார். அதன்படி, துணை விமானி ஒரு லீவரை இழுத்து தரையிறங்கும் சக்கரங்களை உள்ளே இழுக்க வேண்டும்.

அதாவது லேண்டிங் கியரை உள்ளே இழுக்க வேண்டும். இதில் ஏதாவது தவறு ஏற்பட்டு இருக்கலாம். இதனால் விபத்து ஏற்பட்டு இருக்கலாம் என்று இந்த சிமுலேஷனில் கண்டுபிடித்துள்ளனர். ஆனால் இந்த இரண்டு காரணங்களுக்காக மட்டும் விமானம் விபத்துக்குள்ளாக வாய்ப்பில்லை என்று கண்டறியப்பட்டது.

விபத்துக்குள்ளான போயிங் 787 ட்ரீம்லைனரின் (Boeing 787 Dreamliner) பாகங்களை ஆய்வு செய்தபோது, இறக்கை மூடிகள் உள்வாங்கப்படாமல் வெளிப்புறமாக நீட்டிக்கப்பட்ட நிலையில் இருந்தது தெரியவந்தது. பொதுவாக, விமானம் குறைந்த வேகத்தில் டேக்-ஆஃப் (Take-off), லேண்டிங் (Landing) ஆகும் சமயங்களில் கூடுதல் உயரத்தை (Lift) கொடுக்க இந்த இறக்கை மூடிகள் பயன்படும்.

இதுகுறித்து ஏர் இந்தியா செய்தி தொடர்பாளர் கூறுகையில், "இது வெறும் ஊகத்தின் அடிப்படையில் கூறப்படும் கருத்து. இந்த நேரத்தில் எங்களால் எந்த கருத்தும் தெரிவிக்க முடியாது" என்று தெரிவித்தார்.

இரட்டை எஞ்சின் செயலிழப்பா?

முன்னாள் அமெரிக்க கடற்படை விமானியும், விமானப் போக்குவரத்து நிபுணருமான கேப்டன் ஸ்டீவ் ஷெய்ப்னர், இரட்டை எஞ்சின் செயலிழப்பே காரணம் என்று கூறியுள்ளார். டேக்-ஆஃப் ஆன சிறிது நேரத்திலேயே ராம் ஏர் டர்பைன் (Ram Air Turbine - RAT) செயல்பட்டது இரட்டை எஞ்சின் செயலிழப்பை சுட்டிக்காட்டுகிறது என்று அவர் தெரிவித்தார்.

விமான விபத்துக்கான அதிகாரப்பூர்வ விசாரணையை ஏர்கிராஃப்ட் ஆக்சிடென்ட் இன்வெஸ்டிகேஷன் பீரோ (Aircraft Accident Investigation Bureau - AAIB) மேற்கொண்டு வருகிறது. இந்த விசாரணை முடிவுகள் வெளியாகும் வரை காத்திருக்க வேண்டும். விபத்துக்குள்ளான விமானத்தின் காக்பிட் கருப்பு பெட்டியிலிருந்து (Black box) பெறப்பட்ட தரவுகளை வைத்து ஏஏஐபி (AAIB) ஆய்வகத்தில் விபத்துக்கான காரணத்தை கண்டறியும் பணி தீவிரமாக நடைபெற்று வருகிறது. இந்த தரவுகள் விபத்து எப்படி நடந்தது, இரண்டு எஞ்சின்களும் ஒரே நேரத்தில் ஏன் செயலிழந்தது போன்ற விவரங்களை துல்லியமாக வெளிப்படுத்தும் என்று எதிர்பார்க்கப்படுகிறது.

விமான விபத்து குறித்து ஏர் இந்தியா விமானிகள் கூறுகையில், "விமானத்தின் லேண்டிங் கியர் சக்கரம் பாதி அளவு முன்னோக்கி சாய்ந்த நிலையில் இருந்தது. இதனால் தரையிறங்கும் போது சக்கரம் முழுமையாக செயல்படவில்லை என்பதை அறிய முடிகிறது. மேலும், லேண்டிங் கியர் கதவுகள் திறக்கப்படவில்லை. இதன் காரணமாக விமானம் தனது சக்தியை இழந்து ஹைட்ராலிக் (Hydraulic) செயலிழப்பு ஏற்பட்டு இருக்கலாம். இது எஞ்சினில் ஏற்பட்ட பிரச்சனையையும் சுட்டிக்காட்டுகிறது" என்றனர்.

இந்த விபத்துக்கான காரணம் அதிகாரப்பூர்வமாக இன்னும் கண்டறியப்படவில்லை. ஏர் இந்தியா விமானிகள் நடத்திய சிமுலேட்டர் சோதனை மற்றும் ஏஏஐபி (AAIB) ஆய்வகத்தின் முடிவுகள் விபத்துக்கான காரணத்தை வெளிக்கொண்டு வரும் என்று எதிர்பார்க்கப்படுகிறது.

English summary

Simulation done by pilots are giving a wild reason behind Ahmedabad Air India Plane Crash