TNPSC: டிஎன்பிஎஸ்சி குரூப் 4 தேர்வுக்கான ஹால் டிக்கெட் வெளியீடு.. டவுன்லோடு செய்வது எப்படி?

சென்னை: டிஎன்பிஎஸ்சி குரூப் 4 தேர்வுக்கான ஹால் டிக்கெட்டை டிஎன்பிஎஸ்சி வெளியிட்டுள்ளது. www.tnpsc.gov.in என்ற இணையதள முகவரியில் ஹால் டிக்கெட்டை பதிவிறக்கம் செய்யலாம். வரும் 12 ஆம் தேதி குரூப் 4 தேர்வு நடைபெறுகிறது.

தமிழ்நாடு அரசுப் பணி தேர்வாணையத்தின் (TNPSC) குரூப் 4 எழுத்துத் தேர்வு வரும் ஜூலை 12ஆம் தேதி நடைபெற உள்ளது. கிராம நிர்வாக அலுவலர்கள், இளநிலை உதவியாளர்கள், இளநிலை நிர்வாகிகள், இளநிலை வருவாய் ஆய்வாளர், இளநிலை உதவியாளர் மற்றும் தட்டச்சர், ஸ்டெனோ தட்டச்சர் (கிரேடு 3), தனிப்பட்ட எழுத்தர், உதவியாளர், கள உதவியாளர், வனக் காவலர் மற்றும் வனக் கண்காணிப்பாளர் உள்ளிட்ட 3,935 காலிப் பணியிடங்களுக்கு இந்த குரூப் 4 தேர்வு நடைபெற இருக்கிறது.

இந்த 3,395 காலிப்பணியிடங்களுக்கான இந்த தேர்வுக்கான விண்ணப்பம் கடந்த ஏப்ரல் 25ஆம் தேதி முதல் மே 24ஆம் தேதிவரை பெறப்பட்டது. விண்ணப்பத்தை திருத்த மே 29 ஆம் தேதி முதல் மே 31 ஆம் தேதி வரை வாய்ப்பு அளிக்கப்பட்டது. 18 வயது முதல் 50 வயது வரையிலானோர் தேர்வை எழுதுகின்றனர். குறைந்தபட்சம் 10ஆம் வகுப்பு தேர்ச்சி அடைந்தாலே இதற்கு விண்ணப்பிக்கலாம். இந்த தேர்வு வரும் ஜூலை 12ஆம் தேதி காலை 9.30 மணி முதல் மதியம் 12.30 மணிவரை மூன்று மணிநேரத்திற்கு நடைபெறுகிறது.

TNPSC தேர்வாணையம், குரூப் 4 தேர்வுக்கான ஹால் டிக்கெட்டை வெளியிட்டது. தேர்வர்கள் தங்களது ஹால்டிக்கெட்டை www.tnpsc.gov.in என்ற இணையதளத்திற்கு சென்று பதிவிறக்கம் செய்து கொள்ளலாம். தேர்வு எழுதும் மையத்தில் தேர்வர்கள் ஹால் டிக்கெட்டை கையில் வைத்திருப்பது கட்டாயம்.
ஹால் டிக்கெட்டில் தேர்வு மையம், தேர்வு மையத்திற்கு வர வேண்டிய நேரம், தேர்வர்கள் குறித்த விவரம், தேர்வு குறித்த விவரங்கள் அடங்கியிருக்கும். ஹால் டிக்கெட் வழங்கப்பட்ட உடன் அதில் அச்சிடப்பட்ட அனைத்து தகவல்களும் சரியாக இருக்கிறதா இல்லையா என்பதை சரிபார்க்க வேண்டும். ஹால் டிக்கெட்டில் தவறு இருக்கும்பட்சத்தில் உடனடியாக டிஎன்பிஎஸ்சியை அணுக வேண்டும். இதனால், தேர்வு நாளில் ஏற்படும் குழப்பங்களை தவிர்க்கலாம்.

அதிகாரப்பூர்வ வலைத்தளத்தில் ஆன்லைன் சேவைகள் (Online Services) என்பதன் கீழ் 'ஹால் டிக்கெட் பதிவிறக்கம்' (Hall Ticket Download) என்பதைக் கிளிக் செய்யவும். அதன்பின் "TNPSC Group Hall Ticket 2025" இணைப்பைக் கண்டுபிடித்து அதை கிளிக் செய்யவும். உங்கள் விண்ணப்ப எண் மற்றும் பிறந்த தேதியை உள்ளிட்டு, Submit என்பதை கிளிக் செய்து உங்கள் Admit Card-ஐ பெறலாம். அதன்பின், PDF-ஐ பதிவிறக்கம் செய்யலாம்.

English summary

TNPSC has released the hall ticket for TNPSC Group 4 exam. The hall ticket can be downloaded from the website www.tnpsc.gov.in. The Group 4 exam will be held on the 12th.