விம்பிள்டன் வரை விஜய்.. உலக அளவில் ஜனநாயகன் ரீச்! காசு கொடுத்தாலும் இப்படி ஒரு விளம்பரம் கிடைக்காது!

Updated: Monday, July 14, 2025, 17:00 [IST]

Subscribe to Oneindia Tamil

சென்னை: இத்தாலி வீரர் ஜன்னிக் சின்னர் தனது முதல் விம்பிள்டன் பட்டத்தை கைப்பற்றி இருக்கிறார். இதன் மூலம் விம்பிள்டன் பட்டத்தை வென்ற முதல் இத்தாலியர் என்ற பெருமையையும் அவர் பெற்றுள்ளார். இந்த நிலையில் விம்பிள்டன் நிர்வாகம் ஜனநாயகன் போஸ்டரை ரீகிரியேட் செய்து விம்பிள்டன்நாயகன் என சின்னருக்கு போஸ்டர் வெளியிட்டுள்ளது. இதனையடுத்து உலக அளவில் விஜய் ரீச் ஆனதாக அவரது ரசிகர்கள் கொண்டாடி வருகின்றனர்.

கிராண்ட்ஸ்லாம் போட்டிகளில் மிக முக்கியமான தொடரான விம்பிள்டன் தொடர் சமீபத்தில் நிறைவடைந்தது. ஜோகோவிச் உள்ளிட்ட முன்னணி வீரர்கள் வெளியேறிய நிலையில் டென்னிஸ் ஒற்றையர் ஆடவர் பிரிவில் இறுதிப் போட்டியில் ஸ்பெயின் நாட்டைச் சேர்ந்த கார்லோஸ் அல்கஹராஸ், இத்தாலியின் ஜன்னிக் சின்னர் ஆகியோர் மோதினர்.

மிகவும் பரபரப்பாக நடைபெற்ற இந்த ஆட்டத்தில் 4க்கு 6, 6க்கு 4, 6க்கு 4, 6க்கு 4 என்ற செட் கணக்கில் ஜன்னிக் சின்னர் கார்லஸ் அல்கராஸை வீழ்த்தினார். இதன் மூலம் அவர் முதல்முதலாக விம்பிள்டன் பட்டத்தை வென்றிருக்கிறார்.

அதுமட்டுமல்லாம் விம்பிள்டன் பட்டத்தை வென்ற முதல் இத்தாலிய வீரர் என்ற பெருமையோடு, இது அவரது நான்காவது கிராஸ்லாம் பட்டமாகும். இந்த நிலையில் ஜானிக் சின்னருக்கு உலக அளவில் வாழ்த்து குவிந்து வருகிறது. அந்த வகையில் விம்பிள்டன் நிர்வாகமும் சின்னருக்கு வாழ்த்து தெரிவித்துள்ளது. குறிப்பாக நடிகர் விஜய் நடித்துள்ள ஜனநாயகன் படத்தின் பர்ஸ்ட் லுக் போஸ்டரை போலவே ஜானி சின்னருக்கும் போஸ்டர் வெளியிட்டிருக்கிறது.

வேனின் மீது ஏறி விஜய் செல்ஃபி எடுப்பது போல இருந்த புகைப்படத்தை, ஜானிக் சின்னர் புகைப்படம் எடுப்பது போல மாற்றி இருக்கின்றனர். இதனால் விஜய் ரசிகர்கள் மிகுந்த உற்சாகத்தில் ஆழ்ந்துள்ளனர். மேலும் இந்த புகைப்படத்தின் ஒரிஜினல் போட்டோ எது என இணையத்தில் பலரும் தேடி வருவதால் ஜனநாயகன் படத்துக்கு உலக அளவில் இலவச விளம்பரம் கிடைத்திருக்கிறது. இதனால் உலக அளவில் விஜய் ஃபேமஸ் ஆகி இருப்பதாகவும் படத்திற்கான எதிர்பார்ப்பும் அதிகரித்து இருக்கிறது என விஜய் ரசிகர்கள் சமூக வலைதளங்களில் கொண்டாடி வருகின்றனர்.

இந்த ஃபர்ஸ்ட் லுக் போஸ்டர் உண்மையிலேயே எடுக்கப்பட்டது குறிப்பிடத்தக்கது. மாஸ்டர் படப்பிடிப்பிற்காக விஜய் நெய்வேலியில் இருந்த போது அவரது வீட்டில் ஐடி ரெய்டு நடந்தது. தொடர்ந்து விஜயை வருமான வரித்துறை அதிகாரிகள் காரில் சென்னைக்கு அழைத்து வந்தனர். பிறகு மீண்டும் அவர் நெய்வேலி வந்தபோதுதான் ரசிகர்களை உற்சாகப்படுத்த வேனின் மீது ஏறி நின்று செல்பி எடுத்தார். தற்போது அந்த செல்பி ஜனநாயகன் படத்தின் பர்ஸ்ட் லுக் போஸ்டராக வெளியிடப்பட்டுள்ளதோடு தற்போது விம்பிள்டன் நிர்வாகமும் அதனை ரீ கிரியேட் செய்துள்ளது குறிப்பிடத்தக்கது.