பிரதமர் நரேந்திர மோடியை தனது கட்சியில் இணையச் சொன்ன இஸ்ரேல் பிரதமர்! காங்கிரஸ் கொடுத்த பதிலை பாருங்க
டெல்லி: இஸ்ரேலிய பிரதமர் நஃப்தாலி பென்னட், பிரதமர் நரேந்திர மோடியை தனது கட்சியில் சேருமாறு கிண்டலாக கமெண்ட் அடித்த நிலையில், காங்கிரஸ் கட்சி பதிலடியாக கிண்டல் செய்துள்ளது.
இது ஒரு நல்ல யோசனை என்று காங்கிரஸ் கூறியுள்ளது.
பிரிட்டனின் கிளாஸ்கோ நகரில் ஐ.நா. பருவநிலை மாற்ற உச்சி மாநாடு கடந்த 31ம் தேதி தொடங்கிய நிலையில், இதில் பங்கேற்க பிரதமர் நரேந்தேிர மோடி கிளாஸ்கோ சென்றார்.
இதில், அமெரிக்க அதிபர் ஜோ பைடன், பிரிட்டன் பிரதமர் போரிஸ் ஜான்சன் உட்பட பல்வேறு நாடுகளை சேர்ந்த தலைவர்கள் கலந்துகொண்டனர்.
|
மோடி இஸ்ரேல் பிரதமர் சந்திப்பு
இந்த பயணத்தின்போது, இஸ்ரேலிய பிரதமர் நப்தலி பென்னெட்டை மோடி சந்தித்து பேசினார். அப்போது இஸ்ரேலிய பிரதமர் நப்தலி பென்னட் பிரதமர் மோடியிடம், "நீங்கள் இஸ்ரேலில் மிகவும் பிரபலமான நபர்" என்று தெரிவித்தார். மேலும், மோடியை தனது யமினா கட்சியில் சேருமாறு இஸ்ரேல் பிரதமர் கேட்டுக் கொண்டார். இதைக் கேட்டதும், மோடி சிரித்து விட்டார். இருவரும் சிரித்தபடியே கை குலுக்கினர். இந்த வீடியோ வெளியாகி வைரலாக சுற்றி வருகிறது.
|
காங்கிரஸ் கிண்டல்
பார்த்தீர்களா, மோடியின் புகழை.. என்று பாஜக நெட்டிசன்கள் சமூக வலைத்தளங்களில் தெரிவித்த நிலையில், காங்கிரஸ் கட்சி தனது ட்விட்டர் பக்கத்தில், பென்னட் மிகச் சிறப்பான ஐடியா. இந்தியாவை காப்பாற்ற முதல் படி இதுதான். இவ்வாறு கிண்டல் செய்துள்ளது காங்கிரஸ் கட்சி.
பாஜக நிலைமை
ஹிமாச்சல பிரதேசத்தில், இடைத்தேர்தல் நடந்த மூன்று சட்டமன்றத் தொகுதிகளிலும், மண்டி லோக்சபா தொகுதியிலும் காங்கிரஸ் வெற்றி பெற்று அசத்தியுள்ளது. பாஜக அனைத்து இடங்களிலும் தோல்வியை தழுவியுள்ளது. பாஜக தேசிய தலைவர் ஜேபி நட்டா இந்த மாநிலத்தை சேர்ந்தவராகும். ஆளும் கட்சியாக இருந்தபோதிலும், ஒரு சட்டசபை இடைத் தேர்தலில் பாஜக டெபாசிட்டை இழந்து படுதோல்வியடைந்துள்ளது.
விலை உயர்வுகள்
எரிபொருள் மற்றும் அத்தியாவசியப் பொருட்களின் விலை உயர்வு இந்த தேர்தலில் கடுமையாக எதிரொலித்துள்ளது. நாளுக்கு நாள் உயர்ந்து வரும், டீசல் விலை சாமானியர்களின் பட்ஜெட்டில் பாதிப்பை ஏற்படுத்தி வருகிறது. இது காங்கிரசுக்கு வெற்றி வாய்ப்பை வழங்கியுள்ளது. எனவே மோடி அரசை இறங்கியடித்து விமர்சனம் செய்ய ஆரம்பித்துள்ளது காங்கிரஸ்.
Click it and Unblock the Notifications
Sign in with Google