டெல்லியில் டிராபிக் போலீஸ் மீது காரை ஏற்றி இழுத்துச்சென்ற டிரைவர் கைது - வைரல் வீடியோ

டெல்லியில் டிராபிக் போலீஸ் மீது காரை ஏற்றி இழுத்துச்சென்ற டிரைவரை காவல்துறையினர் கைது செய்துள்ளனர்.

டெல்லி: வாகன சோதனையில் ஈடுபட்டிருந்த டிராபிக் போலீஸ் மீது காரை ஏற்றி இழுத்துச் சென்று கீழே தள்ளிய டிரைவரை போலீசார் கைது செய்துள்ளனர். டெல்லியின் பரபரப்பான சாலையில் கார் மீது டிராபிக் போலீஸ் தொங்கிக்கொண்டு செல்லும் வீடியோ சமூக வலைத்தளங்களில் வைரலாகி வருகிறது.

தலைநகர் டெல்லியில் உள்ள துவாலா கவுன் நகரில் கடந்த 12ஆம் தேதி போக்குவரத்து காவலர்கள் வாகன சோதனையில் ஈடுபட்டிருந்தனர். அப்போது ஒரு கார் வேகமாக வந்தது. போக்குவரத்து விதிகளை மீறியதாக அந்த காரை காவல்துறையினர் நிறுத்தினர்.

அதை சட்டை செய்யாத டிரைவர் டிராபிக் போலீஸ் மீது காரை ஏற்றினார். அந்த காவலர் கார் பானட்டில் நின்று தொங்கிக்கொண்டு பயணம் செய்தார். பரபரப்பான சாலையில் அந்த கார் பயணித்தது. திடீரென அந்த காவலர் நடு சாலையில் காரில் இருந்து கீழே விழுந்தார்.

இந்த வீடியோ காட்சிகள் இப்போது சமூக வலைத்தளங்களில் வெளியாகி வைரல் ஆகி வருகிறது. டிராபிக் போலீஸ் மீது காரை ஏற்றிய டிரைவரை காவலர்கள் கைது செய்துள்ளனர்.

English summary

A traffic police personnel in Delhi was dragged on the bonnet of a car for several metres after he attempted to stop the vehicle for a traffic violation.