திமுக முன்னாள் எம்.எல்.ஏ ஆண்டமுத்து காலமானார்.. முதல்வர் ஸ்டாலின் இரங்கல்!

ஈரோடு: திமுக முன்னாள் எம்எல்ஏ ஆண்டமுத்து காலமானார். ஈரோடு மாவட்டம் பவானிசாகர் தொகுதி சட்டமன்ற உறுப்பினராக இருந்தவர் ஆண்டமுத்து. முன்னாள் எம்.எல்.ஏ ஆண்டமுத்து மறைவுக்கு முதல்வர் ஸ்டாலின் இரங்கல் தெரிவித்துள்ளார்.

ஈரோடு மாவட்டம், பவானிசாகர் தொகுதியின் முன்னாள் சட்டமன்ற உறுப்பினர் ஆண்டமுத்து வயது முதிர்வால் இன்று காலமானார். அவருக்கு வயது 82. ஆண்டமுத்து திமுக சார்பாக 1996ஆம் ஆண்டு முதல் 2001ஆம் ஆண்டு வரை பவானிசாகர் தொகுதி சட்டமன்ற உறுப்பினராக இருந்தார்.

திமுக முன்னாள் எம்.எல்.ஏ ஆண்டமுத்து மறைவுக்கு முதல்வரும், திமுக தலைவருமான மு.க. ஸ்டாலின் இரங்கல் தெரிவித்துள்ளார். அவரது இரங்கல் செய்தியில், "பவானிசாகர் தொகுதி முன்னாள் எம்.எல்.ஏவும், கழகத்தின் மூத்த செயல்வீரருமான வி.ஏ.ஆண்டமுத்து மறைவுற்ற செய்தியறிந்து மிகவும் வருந்தினேன்.

கழகத்தின் மீதும், தலைவர் கருணாநிதி மீதும் மிகுந்த பற்று வைத்திருந்த ஆண்டமுத்து அவர்களின் மறைவு பேரிழப்பு. அவரை இழந்து வாடும் குடும்பத்தினர், கழகத்தினர் மற்றும் பவானிசாகர் தொகுதி மக்களுக்கு எனது ஆழ்ந்த இரங்கலையும் ஆறுதலையும் தெரிவித்துக் கொள்கிறேன்" எனத் தெரிவித்துள்ளார்.

English summary

Former DMK MLA Andamuthu passed away. Andamuthu was a Member of Legislative Assembly from Bhavanisagar constituency of Erode district. Chief Minister Stalin has condoled the death of former MLA Andamuthu.