'வாஷிங்டன் அன் கோ'வில் மன்மோகன் சிங் வாங்க வந்திருக்கும் 'சரக்கு' இதுதான்...!

டெல்லி: அமெரிக்கா சென்றுள்ள பிரதமர் மன்மோகன் சிங் 5 பி்ல்லியன் டாலர் மதிப்பிலான விமானங்கள், ஹெலிகாப்டர்களை வாங்குவதற்கான ஒப்பந்தங்களில் கையெழுத்திடவுள்ளார்.

அமெரிக்காவுக்குப் பயணமாகியுள்ள பிரதமரின் பட்டியலில் பெருமளவில் பாதுகாப்பு சாதனங்கள் வாங்குவதற்கான லிஸ்ட்தான் பெருஸ்ஸாக இருக்கிறது.

பிரதமர் கொண்டு வந்துள்ள பட்டியல் இதுதான்...

கூடுதல் சி 130 ஜே ஹெர்குலிஸ் மீடியம் லிப்ட் விமானங்கள் - 6.
அப்பாச்சி அட்டாக் ஹெலிகாப்டர்கள் - 22.
சினூக் ஹெவி லிப்ட் ஹெலிகாப்டர்கள் - 15.
எம் 777 அல்ட்ரா லைட் டோவ்ட் ஹோவிட்சர்கள், அதாவது துப்பாக்கிகள் - 140.

அப்பாச்சி தாக்குதல் ஹெலிகாப்டர்கள் வந்ததும், இந்தியாவிடம் உள்ள மிகப் பழமையான ரஷ்யத் தயாரிப்பு எம் 35 ஹெலிகாப்டர்களுக்கு விடை கொடுக்கப்படும். இந்த புதிய ஹெலிகாப்டர்களை இந்தியா 1.4 பில்லியன் டாலருக்கு வாங்குகிறது.

இந்தியா இதுவரை ரஷ்யா மற்றும் இஸ்ரேலிடமிருந்துதான் பெருமளவிலான ஆயுதங்களை வாங்கி வருகிறது. தற்போது அந்த இடத்தை அமெரிக்கா பிடிக்கவுள்ளது.

மேலும் சி 130 ஜே ஹெர்க்குலிஸ் விமானங்களை கூட்டாக தயாரிக்கலாம் என்றும் இந்தியாவுக்கு அமெரிக்கா ஆலோசனை கூறியுள்ளது குறிப்பிடத்தக்கது.

இந்தியா என்னதான் பிராந்திய அளவில் பெரியண்ணனாக காட்டிக் கொண்டாலும் கூட, இன்னும் 70 சதவீத ஆயுதங்களையும், உபகரணங்களையும் நாம் இறக்குமதிதான் செய்து கொண்டிருக்கிறோம் என்பது கசப்பான உண்மையாகும்.

English summary

India is set to buy American defence equipment worth five billion US dollars and Prime Minister Manmohan Singh, who left for the United States today, is carrying a long shopping list. Among the hardware that India is looking to purchase are six additional C-130 J Hercules Medium Lift Aircraft, 22 Apache Attack Helicopters, 15 Chinook Heavy Lift Helicopters and about 140 M-777 ultra-light towed Howitzers. Contracts for all of these are expected to be signed before the current financial year is over.