பட்டத்திருவிழா: பட்டையை கிளப்பிய பாகுபலி பட்டங்கள்
புனே: மகா சங்கராந்தியை ஒட்டி வட மாநிலங்களில் பட்டம் விடும் திருவிழா கோலாகலமாக நடைபெற்றது. புனே உட்பட பல்வேறு நகரங்களிலும் நரேந்திர மோடி, பாகுபலியின் போஸ்டர் கொண்ட பட்ட பட்டங்களின் விற்பனை படு ஜோராக நடைபெற்றது.
பொங்கல் பண்டிகையை வடமாநிலங்களில் பட்டம் பறக்கவிட்டு கொண்டாடுகின்றனர். மகர சங்கராந்தி என்ற பெயரில் இவ்விழாவை,பெரிய அளவில் கொண்டாடுகின்றனர்.
பெரியோர், சிறியோர், ஏழை, பணக்காரர் என்ற பாரபட்சமின்றி ஒற்றுமையை வெளிப்படுத்தும் விழா கொண்டாடப்படும். நரேந்திர மோடி, பாகுபலி, பேட் மேன், ஆங்கிரிபேட், ஸ்பைடர் மேன் பட்டங்களும் குழந்தைகளை வெகுவாக கவர்ந்தது.
பட்டத் திருவிழா
மகர சங்கராந்தியை முன்னிட்டு மக்கள் தங்கள் உறவினர் வீடுகளுக்குச் சென்று மகிழ்ச்சியை பகிர்ந்து கொள்வர். மேலும், விதவிதமான பட்டங்களைப் பறக்க விடுவர். வெளிநாடுகளில் இருந்து வரும் சுற்றுலாப்பயணிகள் தங்கள் நாட்டின் சின்னம், கலாச்சாரம், நாட்டின் பெருமைகளை வெளிப்படுத்தும் படங்கள் அச்சிட்ட பட்டங்களைப் பறக்க விடுவது சிறப்பம்சமாகும்.
|
பாகுபலி காய்ச்சல்
இந்திய சினிமாவின் பிரம்மாண்ட திரைப்படங்களின் வரிசையில் தனக்கென்று தனி இடத்தை உருவாக்கியுள்ள திரைப்படம் பாகுபலி. பாக்ஸ் ஆபீஸ் கலெக்சனில் உச்சம் தொட்ட இந்தப் படம் தென் இந்தியாவைத் தாண்டியும் வெற்றிக் கொடி நாட்டியது. குறிப்பாக வட மாநிலங்களிலும் பாகுபலி காய்ச்சல் தீவிரமாகவே அடித்தது.
மகரசங்கராந்தி
தற்போது மகர சங்கராந்தியை ஒட்டி அங்கு பட்டம் விடும் திருவிழா கோலாகலமாக நடைபெற்று வரும் நிலையில் புனே உட்பட பல்வேறு நகரங்களிலும் பாகுபலியின் போஸ்டர் கொண்ட பட்டங்களின் விற்பனை படு ஜோராக நடைபெற்று வருகிறது.
|
பாகுபலி பட்டம்
இந்த பட்டங்களை வாங்கும் பாகுபலி ரசிகர்கள் தங்கள் மொட்டை மாடியில் நின்றபடி செல்பியாக எடுத்து ட்விட்டரில் அப்லோட் செய்ய, இதைப் பார்த்து உற்சாகமாக பாகுபலி நாயகன் பிரபாஸ் ட்விட்டரில் இந்த புகைப்படங்களை ரீ ட்வீட் செய்து வருகிறார்.
மோடி பட்டம்
இதேபோல நரேந்திர மோடி பட்டம், பேட்மேன், ஆங்கிரி பேட், ஸ்பைடர் மேன் பட்டங்களும் அதிக அளவில் விற்பனையானது.
Click it and Unblock the Notifications
Sign in with Google