மோடிக்கு பிரிட்டிஷ் பிரதமர் டேவிட் கேமரூன் வாழ்த்து

டெல்லி: பொதுத் தேர்தலில் அபார வெற்றி பெற்று தனிப்பெரும்பான்மையுடன் பிரதமர் பதவியில் அமரவிருக்கும் நரேந்திர மோடிக்கு பிரிட்டன் பிரதமர் டேவிட் கேமரூன் வாழ்த்துத் தெரிவித்துள்ளார்.

உலகின் மிகப் பெரிய ஜனநாயக நாடான இந்தியாவின் பொதுத் தேர்தலை, அதன் முடிவை உலக நாடுகள் மிக உன்னிப்பாகப் பார்த்து வந்தன.

குறிப்பாக இந்தத் தேர்தலில் வெல்லப்போவது யார் என்பதில் அதிக அக்கறை காட்டின.

இந்தத் தேர்தலில் மோடி தலைமையிலான பாஜக கூட்டணிக் கட்சிகளின் தயவு கூட இல்லாமலேயே அறுதிப் பெரும்பான்மையுடன் ஆட்சி அமைக்கிறது. புதிய பிரதமராக நரேந்திர மோடி வரும் 21-ம் தேதி பதவி ஏற்கிறார்.

இதையொட்டி, நரேந்திர மோடிக்கு தனது வாழ்த்தைத் தெரிவித்துள்ளார் பிரிட்டன் பிரதமர் டேவிட் கேமரூன்.

அவர் தனது வாழ்த்து செய்தியில், "இந்திய தேர்தலில் வெற்றி பெற்றமைக்காக நரேந்திர மோடிக்கு வாழ்த்துகள். இந்திய - பிரிட்டன் உறவில் மேலும் அதிக நன்மைகள் விளைய, இணைந்து செயல்பட ஆர்வமாக உள்ளேன்," என்று அவர் குறிப்பிட்டுள்ளார்.

English summary

British PM David Cameron has conveyed his wishes to Narendra Modi.