தங்க மாஸ்க் அணிந்து இருக்கும் தங்க மகன்...கை கழுத்தில் எல்லாம் தங்கம்தான்...!!

கட்டாக்: சாதாரண மாஸ்க் கிடைக்காமல் மக்கள் திண்டாடி வரும்போது, சிலர் தங்க மாஸ்க்குகளை அணிந்து கலக்கி வருகின்றனர். புனே வர்த்தகரை அடுத்து தற்போது கட்டாக் பகுதியைச் சேர்ந்த வர்த்தகர் ரூ. 3,5 லட்சம் செலவில் தங்கத்தினாலான மாஸ்க் வாங்கி அணிந்து கொண்டுள்ளார்.

இவருக்கு முன்னதாக புனேவைச் சேர்ந்த ஒருவர் ரூ. 2.89 லட்சம் மதிப்பிலான தங்க மாஸ்க் அணிந்து இருந்தார். தங்க மாஸ்க் எந்தளவிற்கு கொரோனா வைரஸ் தொற்று வராமல் பாதுகாப்பானதாக இருக்கும் என்பது குறித்து தெரியாது என்றும் குறிப்பிட்டு இருந்தார்.

இந்த நிலையில் குஜராத் மாநிலம் சூரத்தில் வைரம் பதித்த மற்றும் தங்க, வெள்ளி மாஸ்க்குகளை வாங்கி அணிந்து வந்தனர். அங்கு மணமகன், மணமகள்கள் வைரக் கற்கள் பதித்த ரூ. 4 லட்சம் மதிப்பிலான மாஸ்க்குகளை வாங்கி அணிந்து வந்தனர். என் 95 மாஸ்க்கில் தங்க வேலைப்பாட்டில் இந்த மாஸ்க் தயாரிக்கப்படுகிறது. மேலும், வைரங்கள் அந்த மாஸ்க் மீது பாதிக்கப்படுகிறது.

தற்போது கட்டாக் பகுதியைச் சேர்ந்த வர்த்தகர் அலோக் மொஹந்தி ரூ. 3.5 லட்சம் மதிப்பிலான தங்க மாஸ்க் அணிந்து இருக்கிறார். தன்னுடைய பகுதியில் இருக்கும் தங்க நகைக் கடையை அணுகி தனக்கும் தங்க மாஸ்க் வேண்டும் என்று தெரிவித்துள்ளார். அவர்களும், என். 95 மாஸ்கில் தங்க வலை போன்று செய்து பதித்துள்ளனர். இந்த மாஸ்கை தயாரிக்க 22 நாட்கள் பிடித்துள்ளது. 90 - 100 கிராம் வரை தங்கம் பயன்படுத்தப்பட்டுள்ளது. இவர் தங்க மாஸ்க் மட்டுமில்லை, உடல் முழுக்க தங்கத்தால் ஜொலிக்கிறார் இவரை தங்க மேன் என்றும் அழைக்கலாம்.

இதுகுறித்து மொஹந்தி கூறுகையில், ''கடந்த 30 - 40 ஆண்டுகளாக நான் தங்கம் அணிந்து வருகிறேன். எனக்கு தங்கம் தான் வீக்னஸ். மக்கள் தங்க மாஸ்க் அணிந்து இருப்பதைப் பார்த்து எனக்கும் அணிய வேண்டும் என்ற ஆசை ஏற்பட்டது. உடனே, தங்க நகைக் கடையை அணுகி செய்து கொண்டேன்'' என்று தெரிவித்துள்ளார்.

English summary

Cuttack business man wears rs. 3.5 value gold face mask