ஐ லவ் யூ சார்.. நீங்க சீட் தரலைன்னா பிளேடால அறுத்துகிட்டு செத்து போய்டுவேன்.. திகிலடிக்கும் ஆந்திரா

Published: Monday, March 18, 2019, 18:14 [IST]

Subscribe to Oneindia Tamil

சென்னை: "ஐ லவ் யூ சார்.. ஆனா இப்போ நீங்க எனக்கு சீட் தரலைன்னா இந்த பிளேடால என் கையை அறுத்துகிட்டு செத்து போய்டுவேன்" என்று தெலுங்கு தேச கட்சி தலைவருக்கு ஒருவர் மிரட்டல் வீடியோ எடுத்து அனுப்பி உள்ளார்.

ஒய்எஸ்ஆர் கட்சி தலைவர் ஜெகன் மோகன் ரெட்டி. இவரது தீவிர ஆதரவாளர் சுனில் ஜெகன் என்று கூறப்படுகிறது. இவர் ஒரு டாக்டர்.

இந்நிலையில் கட்சி தலைவருக்கு ஒரு வீடியோ அனுப்பி உள்ளார் சுனில் ஜெகன். அந்த வீடியோவில், "ஜெகன் சார்.. ஐ லவ் யூ வெரி மச். ஆனா எனக்கு வரப்போகிற தேர்தலில் சீட் கிடைக்காது என்று நிறைய பேர் சொல்கிறார்கள்.

இதை கேள்விப்பட்டதில் இருந்து என்னால் தாங்கி கொள்ள முடியவில்லை. அதனால் என் வாழ்க்கையை முடிச்சுக்க முடிவு செய்துட்டேன். இந்த 5 வருஷமாக உங்களை பின்பற்றிதான் நான் நடந்து வந்திருக்கிறேன். இதை நீங்கள் மறக்க வேண்டாம். இப்போ நான் பிளேடால் கையை அறுத்து கொண்டு சாகபோகிறேன். அதற்கு முன்னாடி இந்த வீடியோவை உங்களுக்கு அனுப்புகிறேன்" என்று பேசியிருந்தார்.

இந்த வீடியோ தற்போது பெரிய அளவில் வைரலாகி வருகிறது. இப்படி ஒய்எஸ்ஆர் கட்சியில் சீட் கிடைக்காது என்ற தகவல் சில தினங்களாகவே வந்து கொண்டிருக்கிறதாம். இதனால் சுனில் அப்செட்டாக இருந்ததாகவும், அதனால் உச்சக்கட்ட விரக்தியிலேயே இப்படி ஒரு வீடியோவை வெளியிட்டுள்ளதாகவும் கூறப்படுகிறது.

Published On March 18, 2019