டெல்லியில் வேலைக்கார பெண்ணை சீரழித்து, வீடியோ எடுத்து வெளியிட்ட வேலைக்காரர்

டெல்லி: டெல்லியில் உள்ள தொழில் அதிபர் ஒருவரின் வீட்டில் வேலை செய்து வந்த நபர் தன்னுடன் அதே வீட்டில் வேலை செய்யும் இளம்பெண்ணை பாலியல் பலாத்காரம் செய்து அதை வீடியோ எடுத்து இன்டர்நெட்டில் வெளியிட்டுள்ளார்.

டெல்லியில் உள்ள கிரேட்டர் கைலாஷ் ரெசிடன்ஸில் வசிக்கும் தொழில் அதிபர் ஒருவரின் வீட்டில் வேலை செய்தவர் கார்த்திக் குலியா(32). கடந்த ஆண்டு அவர் அதே வீட்டில் வேலை செய்யும் 20 வயது பெண்ணை பாலியல் பலாத்காரம் செய்து அதை வீடியோ எடுத்துள்ளார். இதையடுத்து தனது ஆசைக்கு இணங்காவிட்டால் வீடியோவை இன்டர்நெட்டில் வெளியிடுவேன் என்று கூறி மிரட்டியே அப்பெண்ணுடன் உறவு வைத்து வந்துள்ளார்.

இந்நிலையில் அந்த பெண்ணின் சகோதரரின் நண்பர் ஒருவர் எம்.எம்.எஸ். ஒன்றை இணையதளத்தில் பார்த்துள்ளார். உடனே அந்த பெண்ணின் சகோதரரிடம் வந்து நான் ஒரு எம்.எம்.எஸ். பார்த்தேன், அதில் வந்த பெண்ணை பார்த்தால் உன் சகோதரி போன்று உள்ளது என்று தெரிவித்துள்ளார். இதையடுத்து அந்த பெண்ணிடம் விசாரித்தபோது தான் உண்மை வெளியே வந்தது.

இதையடுத்து அந்த பெண்ணை அவரது சகோதரர் காவல் நிலையத்திற்கு அழைத்துச் சென்று புகார் கொடுக்க வைத்தார். அவரது புகாரின்பேரில் வழக்குப் பதிவு செய்த போலீசார் கார்த்திக்கை கைது செய்தனர்.

English summary

A domestic help employed at the Greater Kailash residence of a businessman was arrested for allegedly raping a 20-year-old maid, who worked in the same house, and circulating an MMS of the crime.