ஷாக்கிங்.. பிரபல மலையாள பாடகி மஞ்சுஷா மோகன்தாஸ் சாலை விபத்தில் பலி!

மலையாள பாடகி மஞ்சுஷா மோகன்தாஸ் உயிரிழந்தார்.

கேரளா: பிரபல மலையாள பாடகியும், நடிகையுமான மஞ்சுஷா மோகன்தாஸ் சாலை விபத்தில் பரிதாபமாக உயிரிழந்தார். இந்த சம்பவம் கேரள மாநிலத்தையே அதிர்ச்சிக்கு உள்ளாக்கியுள்ளது.

பிரபல மலையாள சேனல் ஒன்றில் ஸ்டார் சிங்கர் நிகழ்ச்சி மூலம் அறிமுகமானவர் மஞ்சுஷா மோகன்தாஸ். இந்நிகழ்ச்சியின் மூலம் இவர் மிகவும் பிரபலமடைந்தார். அதன் காரணமாக இவருக்கு படத்தில் பாடக்கூடிய வாய்ப்புகள் நிறைய தேடி வந்தன.

அந்த பாடல்கள் ரசிகர்களிடம் இவரை கொண்டுபோய் சேர்த்து மேலும் பிரபலமாக்கியது. மேலும் ஒரு சில மலையாள படங்களிலும் இவர் நடித்துள்ளார். அதனால் இவருக்கென தனி ரசிகர் கூட்டமே கேரளாவில் உள்ளனர். இவருக்கு திருமணமாகி ஒரு பெண் குழந்தையும் உள்ளது.

இந்நிலையில் கடந்த வாரம் தனது தோழி அஞ்சனா என்பவருடன் மஞ்சுஷா மோகன்தாஸ் பைக்கில் சென்றார். அப்போது எதிரே வந்த வேன் ஒன்று இவர்கள் சென்ற பைக் மீது எதிர்பாராத விதமாக பலமாக மோதியது. இந்த விபத்தில் இருவரும் கடுமையாக காயமடைந்தனர். உயிருக்கு ஆபத்தான நிலையில் மருத்துவமனைக்கு கொண்டு செல்லப்பட்டனர். அங்கு ஒரு வாரம் தீவிர சிகிச்சை அளிக்கப்பட்டு வந்தது.

இதில் தோழி அஞ்சனா தீவிர சிகிச்சை பெற்று வருகிறார். ஆனால் சிகிச்சை பலனின்றி மஞ்சுஷா மோகன்தாஸ் உயிரிழந்தார். இதனால் கேரள திரையுலகமும், ரசிகர்களும் கடும் அதிர்ச்சியடைந்து உள்ளனர். இளம் வயதிலேயே உயிரிழந்துள்ள மஞ்சுஷாவின் மரண செய்தி கேள்வியுற்று பலர் சோகத்தில் ஆழ்ந்துள்ளனர்.

English summary

Popular Malayalam Idea Star Singer Manjusha Mohandas died in a road accident