இந்திய ரயில்வே துறையை மேம்படுத்த ஆலோசனை சொல்லுங்க.. ரூ10 லட்சம் பரிசு காத்திருக்கிறது!

இந்திய ரயில்வே துறையை மேம்படுத்துவதற்கான ஆலோசனைகள் கேட்கப்பட்டுள்ளன.

டெல்லி: இந்திய ரயில்வே துறையை மேம்படுத்த சிறப்பான ஆலோசனைகளை தெரிவிப்போருக்கு ரூ10 லட்சம் பரிசுத் தொகை அறிவிக்கப்பட்டுள்ளது.

ரயில்வே துறையானது சிறப்பான சேவைகள் மூலம் வருவாயை ஈட்டுவதற்கான ஆலோசனைகளை பொதுமக்களிடம் கேட்டுள்ளது. இந்த ஆலோசனைகளை https://innovate.mygov.in/jan-bhagidari இணையதளத்தில் பதிவு செய்யலாம்.

ஆலோசனைகளை மே 19-ந் தேதிக்கு முன்னர் அனுப்ப வேண்டும். சிறப்பான ஆலோசனைகளுக்கான பரிசுத் தொகையும் அறிவிக்கப்பட்டுள்ளது.

சிறந்த ஆலோசனைக்கான முதல் பரிசு பெறுவோருக்கு ரூ10 லட்சம்; 2-ம் பரிசுக்கு ரூ5 லட்சம்; 3-வது பரிசுக்கு ரூ3 லட்சம்; 4-வது பரிசுக்கு ரூ1 லட்சம் என அறிவித்துள்ளது ரயில்வே. ரயில்வே துறைக்கான வருவாயை எப்படி அதிகரிக்கலாம்? சேவைகள், வர்த்தகங்கள் தொடர்பான விரிவான திட்டங்கள், எப்படி நடைமுறைப்படுத்துவது ஆகிய அம்சங்களை உள்ளடக்கியதாக ஆலோசனைகள் இருக்க வேண்டும்.

English summary

Indian railways has announced a public competition on "How to Raise Money For Railways To Provide Better Services". The best idea stands a chance to win a prize of Rs 10 lakh, the second best idea will be awarded a prize money of Rs 5 lakh, the third Rs 3 lakh and fourth Rs 1 lakh.