ஜார்க்கண்ட் தேர்தல் பிரச்சாரம்.. காங். வெளியிட்ட தலைவர்கள் பட்டியலில் பிரியங்கா காந்தி பெயரில்லை

ராஞ்சி: ஜார்க்கண்ட் சட்டமன்ற தேர்தலில் பிரச்சாரத்தில் ஈடுபட உள்ள நட்சத்திர தலைவர்கள் பட்டியலில் பிரியங்கா காந்தியின் பெயர் இடம் பெறவில்லை. அதேநேரம் சோனியா காந்தி, ராகுல் காந்தி மன்மோகன் சிங் மற்றும் மூத்த காங்கிரஸ் தலைவர்கள் பெயர் இடம் பெற்றுள்ளது.

இருப்பினும் ஜார்க்கண்டில் பிரச்சாரத்தில் ஈடுபட உள்ள கூடுதல் தலைவர்களின் பட்டியலை கட்சி வெளியிடும் என்றும எனவே இதைபற்றி கவலைப்பட வேதவையில்லை என்றும் காங்கிரஸ் நிர்வாகிகள் தெரிவித்தனர்.

பிரச்சாரகர்கள் பட்டியலில் தனது பெயரை அறிவிக்க பிரியங்கா காந்தியின் ஒப்புதலை காங்கிரஸ் இன்னும் பெறவில்லை என்றும் கட்சி வட்டாரங்கள் தெரிவித்துள்ளன. 5 கட்டமாக ஜார்கண்ட் சட்டமன்றத் தேர்தல் நடைபெற உள்ள நிலையில், இன்னும் சில நாட்களில் பிரியங்கா காந்தி பெற வாய்ப்பு உள்ளது என்று காங்கிரஸ் தலைவர்கள் கூறுகிறார்கள்.

முதல் கட்ட தேர்தலுக்கான பிரச்சாரம் செய்யும் தலைவரக்ள் பட்டியல் மட்டுமே தற்போது வந்துள்ளதாகவும் மேலும் நான்கு கட்ட தேர்தல்கள் நடைபெற உள்ளதால் அந்த பட்டியல்களில் பிரியங்கா காந்தியின் பெயர் இடம்பெறும் என்று காங்கிரஸ் வட்டாரங்கள் தெரிவித்துள்ளன.

நவம்பர் 30 ஆம் தேதி தொடங்கி ஜார்க்கண்டில் நடைபெறும் சட்டமன்றத் தேர்தலுக்கான வேட்பாளர்களின் பெயர்களை காங்கிரஸ் மூன்று பட்டியல்களாக இதுவரை வெளியிட்டுள்ளது. ஜார்க்கண்ட் சட்டமன்றத்தில் உள்ள 81 இடங்களில் 31 இடங்களில் காங்கிரஸ் போட்டியிடுகிறது.

English summary

Priyanka Gandhi missing from Congress's list of campaigners in Jharkhand elections