நிலகேனிக்கு 'ஓட்டு மாடி': பிரச்சாரம் செய்த கன்னட நடிகர், நடிகைகள்
பெங்களூர்: தெற்கு பெங்களூரில் போட்டியிடும் காங்கிரஸ் வேட்பாளர் நந்தன் நிலகேனிக்கு கன்னட நடிகர், நடிகைகள் வாக்கு சேகரித்தனர்.
தெற்கு பெங்களூர் மக்களவை தொகுதியில் காங்கிரஸ் சார்பில் நந்தன் நிலகேனி போட்டியிடுகிறார். அவர் தனது தொகுதியில் தீவிர வாக்கு சேகரிப்பில் ஈடுபட்டுள்ளார்.
இந்நிலையில் அவருக்கு ஆதரவாக கன்னட நடிகர், நடிகைகள் பிரச்சாரம் செய்துள்ளனர்.
ஜெயமாலா
சபரிமலை கோவிலில் மூல விக்ரகத்தை தொட்ட பிரச்சனையில் சிக்கிய கன்னட நடிகை ஜெயமாலா இன்று பெங்களூரில் நிலகேனிக்கு ஆதரவாக பிரச்சாரம் செய்தார்.
பவ்யா
கன்னட நடிகை பவ்யா பெங்களூர் வீதிகளில் காங்கிரஸ் வேட்பாளர் நிலகேனிக்கு வாக்கு சேகரித்தார்.
மக்கள்
நடிகைகள் ஜெயமாலாவும், பவ்யாவும் காங்கிரஸ் வேட்பாளருக்கு கை சின்னத்தில் வாக்களிக்குமாறு கடை, கடையாக சென்றும், சாலைகளில் சென்ற மக்களிடமும் கேட்டுக் கொண்டனர்.
கிரிஷ் கர்னாட்
பிரபல நாடக மற்றும் சினிமா நடிகருமான கிரிஷ் கர்னாட், பிரபல எழுத்தாளரும், நடிகருமான ஜி.கே. கோவிந்த ராவ் ஆகியோரும் நந்தன் நிலகேனிக்காக வாக்கு சேகரித்தனர்.
Click it and Unblock the Notifications
Sign in with Google