கர்நாடக அரசு விளம்பரத்தில் தவறாக இடம் பெற்ற இந்திய வரைபடம்.. வரிந்து கட்ட ஆஜராகிய பா.ஜ.க..

பெங்களூரு : கர்நாடக மாநில சுற்றுலாத்துறை மலேசிய நாட்டு இதழில் வெளியிட்டுள்ள விளம்பரத்தில் இந்திய வரைபடம் தவறாக இடம்பெற்றுள்ளதால் புதிய சர்ச்சை எழுந்துள்ளது.

பசிபிக் ஏஷியா டிராவல் அசோசியேஷன் சார்பில் பெங்களூரு, பன்னாட்டு கண்காட்சி மையத்தில் வரும் செப்டம்பர் மாதம் 6 மற்றும் 8 ஆகிய தேதிகளில் டிராவல் மார்ட் என்ற பெயரில் சுற்றுலா கண்காட்சியை நடத்ததிட்டமிட்டுள்ளது.

இந்த கண்காட்சி தொடர்பாக மலேசியாவில் இருந்து வெளியாகும் இதழில் பசிபிக் ஏஷியா டிராவல் அசோசியேஷன் சார்பில் விளம்பரம் வெளியிடப்பட்டுள்ளது.
கர்நாடக அரசின் சுற்றுலாத்துறையின் ஆதரவுடன் நடத்தப்படும் இந்த கண்காட்சி தொடர்பாக வெளியாகியுள்ள விளம்பரத்தில் இடம்பெற்றுள்ள இந்திய வரைபடத்தில் ஜம்மு-காஷ்மீர் மாநிலத்தில் ஒரு பகுதி மற்றும் வடகிழக்கு மாநிலங்களின் சில பகுதிகள் மட்டுமே இடம்பெற்றுள்ளன. இது பெரும் சர்ச்சையை கிளப்பியுள்ளது.

இந்திய வரைபடம் தவறாக வெளியாகியுள்ளதை சுட்டிக்காட்டியுள்ள பா.ஜ.க, இது குறித்து மாநில காங்கிரஸ் அரசிடமிருந்து விளக்கம் கேட்டுள்ளது.

இதுபற்றி செய்தியாளர்களிடம் பேசிய பாஜக செய்தி தொடர்பாளரும், முன்னாள் அமைச்சருமான சுரேஷ்குமார் இந்தியவரைபடத்தில் ஜம்மு-காஷ்மீர் மாநிலம் மற்றும் வடகிழக்கு மாநிலத்தின் சில பகுதிகள் இடம்பெறாதது நமதுநாட்டின் இறையாண்மையை கேள்விக்குள்ளாக்கும் முக்கியமான விவகாரமாகும் என்று தெரிவித்தார்.

இந்திய வரைபடத்தில் சில பகுதிகள் இல்லாவிட்டால் பாகிஸ்தான் மற்றும் சீனா போன்ற நாடுகள் மகிழ்ச்சி அடையலாம். எனவே இந்த தவறு மன்னிக்கக்கூடியதல்ல. இதுபோன்ற தவறுகளை மாநில அரசு செய்திருக்கக்கூடாது என்றும் தெரிவித்ததார்.

விளம்பரத்தை வெளியிட்ட மலேசியா நாட்டு இதழ் மீது வழக்கு பதிவு செய்து, சர்ச்சைக்குரிய விளம்பரத்தை திரும்பபெற நடவடிக்கை எடுக்க வேண்டும் என்றும் கர்நாடக மாநில பா.ஜ.க. வலியுறுத்தியுள்ளது.

English summary

The Karnataka government in a Big controversy over a distorted map of India in an advertisement allegedly published by it in a Malaysian magazine, showing part of Jammu and Kashmir and the North-East missing from it.