அடுத்த 'சம்மருக்கு' கேரளாவுக்கு ஒரு டூர் போயிட்டு வாங்களேன் ப்ரோ.... !
லண்டன்: பாதுகாப்பாக குடும்பத்துடன் சுற்றுலாச் செல்ல உலகின் தலை சிறந்த 10 இடங்களில் ஒன்றாக கேரளா தேர்ந்தெடுக்கப் பட்டுள்ளது.
உலகின் பிரபல சுற்றுலா தலங்களை வரிசைப்படுத்தும் சுற்றுலா வழிகாட்டி பிரசுர நிறுவனம் 'லோன்லி பிளானட்'. இந்நிறுவனம் குடும்பத்தினரோடு விடுமுறையை கழிக்க சிறந்த இடங்களை உலகளாவிய அள்வில் தேர்வு செய்து அவற்றில் தலைசிறந்த 10 இடங்களை பட்டியலிட்டுள்ளது.
இதில், மற்ற இந்திய மாநிலங்களை ஓரம் கட்டி பாதுகாப்பான சுற்றுலாத் தளம் என்ற இடத்தை கேரளா பெற்றுள்ளது.
சிறந்த சுற்றுலாத்தளம்....
லோன்லி பிளானட் வெளியிட்டுள்ள பட்டியலில் நியூ யார்க், டென்மார்க், பிரகுவே, ஐஸ்லாந்து, இத்தாலி, ஹவாய் தீவுகளுக்கு அடுத்தபடியாக கேரள மாநிலமும் இடம் பெற்றுள்ளது.
கடவுளின் தேசம்...
கடவுளின் தேசம் என அடைமொழியுடன் சிறப்பிக்கப் படும் கேரளா, தென்னை மரங்கள் நிரம்பிய செழுமையான மாநிலம் தான்.
எங்கும் பசுமை...
பசுமையான இயற்கை சூழலில் அழகிய கடற்கரைகள், நீர் நிலைகள், தேசிய பூங்காக்கள், யானை காப்பகங்கள் போன்றவை இங்கு உள்ளன.
பாதுகாப்பானது....
அத்தோடு, பெண்கள் மற்றும் குழந்தைகளுக்கு பாதுகாப்பான சுற்றுலா தளம் என கேரளாவைப் பற்றித் தெரிவித்துள்ளது இந்த ஆய்வு.
அடுத்த சம்மருக்கு...
எனவே, 2014-ல் விடுமுறையை கழிக்க உலகின் தலைசிறந்த 10 இடங்களில் ஒன்றாக கேரளாவும் தேர்ந்தெடுக்கப்பட்டுள்ளதாக தெரிவித்துள்ளது 'லோன்லி பிளானட்'.
Click it and Unblock the Notifications
Sign in with Google