Breaking News Live: பிரதமர் பதவி பற்றி கவலையில்லை.. பாஜக ஆட்சியை அகற்றுவதே நோக்கம்: மமதா ஆவேசம்

கொல்கத்தா: மேற்குவங்க தலைநகர் கொல்கத்தாவில் திரிணாமுல் காங்கிரஸ் தலைவரும், அம்மாநில முதல்வருமான மமதா பானர்ஜி தலைமையில் இன்று எதிர்க்கட்சித் தலைவர்கள் பங்கேற்கும் மாநாடு நடைபெறுகிறது. இதையொட்டி சற்று நேரத்தில் பேரணி தொடங்குகிறது.

இந்த மாநாட்டில் திமுக தலைவர் மு.க.ஸ்டாலின் உட்பட 20க்கும் மேற்பட்ட கட்சிகளின் தலைவர்கள் பங்கேற்கின்றனர்.

காங்கிரஸ் சார்பில் மல்லிகார்ஜுன கார்கே, திக்விஜய் சிங் ஆகிய மூத்த தலைவர்கள் இதில் பங்கேற்கிறார்கள். மமதா பானர்ஜியை பிரதமர் வேட்பாளராக சித்தரிக்க திரிணாமுல் காங்கிரஸ் முயன்று வருகிறது. எனவே இந்த பேரணி மற்றும் மாநாடு முக்கியத்துவம் பெறுகிறது.

இந்த மாநாட்டின் ஒரு பகுதியாக, காலை பேரணியும் மாலையில் பொதுக் கூட்டமும் நடைபெறுகிறது. இதில் பங்கேற்பதற்காக மேற்கு வங்கம் முழுவதும் இருந்து 5 லட்சத்துக்கும் மேற்பட்ட தொண்டர்கள் கொல்கத்தாவில் குவிந்துள்ளனர்.

English summary

All eyes would be on the opposition parties' show of strength rally in Kolkata today which is being organised by Mamata Banerjee-led Trinamool Congress. Several bigwigs from the opposition parties across the country are likely to share the dais with Banerjee who seems to taking a lead in forging a formidable alliance to take on the BJP in 2019 Lok Sabha elections.