ஆஸ்திரேலியா, அமெரிக்கா, இப்போ பிரான்ஸ்... மோடியின் வெளிநாட்டு பயணங்கள் தொடருகிறது!

டெல்லி: பிரதமர் நரேந்திரமோடி முதல் முறையாக பிரான்ஸ் நாட்டுக்கு செல்ல உள்ளதாக தகவல்கள் வெளியாகியுள்ளன. வெளிநாடுகளிலேயே சுற்றித்திரிகிறார் மோடி என்று சர்ச்சை எழுந்துள்ள நிலையில் இப்போது பிரான்ஸ் பயணம் முக்கியத்துவம் பெறுகிறது.

பிரான்ஸ் வெளியுறவு அமைச்சர் லூரன்ட் பேபியூஸ் விரைவில் இந்தியா வரவுள்ளார். அப்போது பிரதமர் உள்ளிட்ட மூத்த தலைவர்களை சந்தித்து இரு நாட்டு ஒத்துழைப்பு குறித்து பேசுகிறார். பின்னர் பிரான்ஸ் வருமாறு பிரதமர் மோடிக்கு அழைப்பு விடுக்க உள்ளதாக தகவல்கள் தெரிவிக்கின்றன.

இதனை பிரதமர் ஏற்று விரைவில் பிரதமர் நரேந்திர மோடி அரசு முறைப்பயணமாக பிரான்ஸ் வர உள்ளதாக அந்நாட்டு வெளியுறவு அமைச்சகம் உறுதி செய்துள்ளது. எனினும் மோடியின் பிரான்ஸ் பயணம் எப்போது எந்த மாதம் என்பது குறித்து அதிகாரப்பூர்வமாக அறிவிக்கப்படவில்லை.

பிரதமர் நரேந்திரமோடி தனது முதல் பயணமாக பூடான் சென்றார். பிறகு, மியான்மர், ஆஸ்திரேலியா, பிஜி, நேபாளம், பிரேசில், அமெரிக்கா ஆகிய நாடுகளுக்கும் மோடி பல்வேறு அரசு முறை பயணங்களுக்காக சென்று வந்துள்ளார். எனவே 'வெளிநாடுவாழ் இந்திய பிரதமர்' என்று கிண்டலுக்கும் ஆளாகினார்.

இந்நிலையில் இப்போது ஐரோப்பிய நாடான பிரான்சுக்கும் செல்ல உள்ளது குறிப்பிடத்தக்கது.

English summary

Prime Minister Narendra Modi may make France a part of his itinerary during his April visit to Germany, as diplomatic parleys indicate.