நரேந்திர மோடியை வாஜ்பாயுடன் ஒப்பிடக் கூடாது: அத்வானி
அகமதாபாத்: முன்னாள் பிரதமர் வாஜ்பாயை நரேந்திர மோடியுடன் ஒப்பிடக் கூடாது என்று பாஜக மூத்த தலைவர் எல்.கே.அத்வானி கூறியுள்ளார்.
குஜராத்தின் காந்திநகர் தொகுதியில் போட்டியிடும் அத்வானி வேட்புமனுத் தாக்கல் செய்வதற்கு முன்பாக செய்தியாளர்களிடம் கூறியதாவது:
காந்திநகர் தொகுதியில் போட்டியிடமாட்டேன் என்று எப்போதும் கூறியதில்லை. நான் இங்கு மீண்டும் போட்டியிடுவதன் மூலம் நாட்டு மக்களுக்கு சேவையாற்ற முடியும் என கருதுகிறேன்.
லோக்சபா தேர்தலுக்காக மட்டும் குஜராத்துடனான உறவு இல்லை.. நாடு பிரிவினையை எதிர்கொள்ள நேரிட்டபோது நாங்கள் வந்தடைந்த இடம் குஜராத்தின் கட்ச் பகுதிதான்.
மத்திய பிரதேசத்தின் போபாலில்தான் நான் போட்டியிட வேண்டும் என்று மிகவும் வலியுறுத்திக் கேட்டார்கள். அவ்வளவே. நரேந்திர மோடி தலைமையில் அடுத்த அரசு அமைப்போம். மோடிக்கு ஆதரவு இருக்கிறது ஆனால் அதற்காக வாஜ்பாயுடன் மோடியை ஒப்பிடக் கூடாது.
இவ்வாறு அத்வானி கூறினார்.
Click it and Unblock the Notifications
Sign in with Google