பாஜக கூட்டணியில் சேர மாட்டோம்: சரத்பவார் திட்டவட்டம்

டெல்லி: பாரதீய ஜனதா தலமையிலான தேசிய ஜனநாயக கூட்டணியில் தேசியவாத காங்கிரஸ் கண்டிப்பாக கூட்டணி வைக்காது என திட்டவட்டமாக தெரிவித்துள்ளார் அக்கட்சியின் தலைவர் சரத்பவார்.

இது தொடர்பாக சரத்பவார் தனியார் தொலைக்காட்சி ஒன்றிற்கு பேட்டி அளித்துள்ளார். அதில் அவர் கூறியிருப்பதாவது:-

நாங்கள் தேசிய ஜனநாயக கூட்டணியில் இணைய போவது இல்லை. இந்த கேள்வி எழவே கூடாது. காங்கிரஸ் கட்சியுடன் இணைந்தே வரும் தேர்தலை தேசியவாத காங்கிரஸ் சந்திக்கும். மத்தியில் அடுத்த அரசு அமைக்கும் அளவு தேவையான எண்ணிக்கையை பாரதீய ஜனதா பெறாது. நான் ஜோதிடர் கிடையாது. ஆனால் உறுதியாக கூறுகிறேன். பாரதீய ஜனதா அந்த எண்ணிக்கையை பெறாது' எனத் தெரிவித்துள்ளார்.

மேலும், பாஜகவின் பிரதமர் வேட்பாளராக மோடியை அறிவித்து அக்கட்சி பிரசாரம் மேற்கொண்டு வருவது குறித்தான கேள்விக்கு, ‘கடந்த 2004 ஆம் ஆண்டு என்ன நடந்தது. பாரதீய ஜனதா 2004 ல் தோல்வி அடைந்தது. இந்தியா ஒளிர்கிறது என்று வாஜ்பாய் பிரச்சாரம் செய்த போதிலும் தோல்வியே அடைந்தது' எனப் பதிலளித்துள்ளார்.

English summary

NCP chief Sharad Pawar has made it clear that his party will not ally with the Bharatiya Janata Party (BJP) ahead of the General Elections. "We will not ally with the NDA (BJP-led coalition). The question doesn't arise," Pawar told CNN-IBN in an exclusive interview.