பாஜக நாடாளுமன்றக் குழுத் தலைவராக நரேந்திர மோடி நியமனம்!

டெல்லி: பாரதிய ஜனதா கட்சியின் நாடாளுமன்ற குழுவின் தலைவராக பிரதமர் நரேந்திர மோடி நியமிக்கப்பட்டுள்ளார்.

பாரதிய ஜனதாவின் நாடாளுமன்ற குழுக் கூட்டம் டெல்லியில் இன்று நடைபெற்றது. இக்கூட்டத்தில் பாஜகவின் நாடாளுமன்றக் குழுத் தலைவராக பிரதமர் நரேந்திரமோடி நியமிக்கப்பட்டுள்ளார்.

லோக்சபாவில் துணைத் தலைவராக உள்துறை அமைச்சர் ராஜ்நாத்சிங்கும், ராஜ்யசபாவில் துணைத் தலைவராக நிதி மற்றும் பாதுகாப்பு அமைச்சர் அருண்ஜேட்லியும் செயல்படுவர்.

பாஜகவின் நாடாளுமன்றக் குழுத் தலைமை கொறடாவாக வெங்கையா நாயுடு தேர்வு செய்யப்பட்டுள்ளார். ராஜ்யசபாவில் தலைமைக் கொறடாவாக பிரகாஷ் ஜவதேகர் தேர்வு செய்யப்பட்டுள்ளார்.

English summary

Prime Minister Narendra Modi was on Saturday named the leader of reconstituted BJP Parliamentary Party in both houses of Parliament.