பிரபல ஆர்.ஜே.வின் மனைவி திருமணமான 2 மாதத்தில் 10வது மாடியில் இருந்து குதித்து தற்கொலை

அகமதாபாத்: குஜராத்தில் பிரபலமான ரேடியோ ஜாக்கியின் மனைவி திருமணமான இரண்டே மாதத்தில் 10வது மாடியில் இருந்து குதித்து தற்கொலை செய்து கொண்டுள்ளார்.

குஜராத் மாநிலம் அகமதாபாத் நகரைச் சேர்ந்தவர் குணால். பிரபலமான ரேடியோ ஜாக்கி(ஆர்.ஜே.). அவருக்கும் புமி தேசாய்(28) என்ற பெண்ணுக்கும் கடந்த ஆண்டு நவம்பர் மாதம் 24ம் தேதி திருமணம் நடைபெற்றது. அண்மையில் அவர்கள் பாங்காக் சென்றுவிட்டு கடந்த 18ம் தேதி தான் அகமதாபாத் திரும்பி வந்துள்ளனர்.

இந்நிலையில் வியாழக்கிழமை மதியம் 2 மணிக்கு புமி மிதேஷ் சோனி என்பவருக்கு தான் சச்சின் டவர்ஸ் கட்டிடத்தில் இருந்து குதித்து தற்கொலை செய்யப் போவதாக எஸ்.எம்.எஸ். அனுப்பியுள்ளார். அதன் பிறகு மதியம் 2.30 மணிக்கு புமி சச்சின் டவர்ஸுக்கு சென்று 10வது மாடியில் இருந்து குதித்து தற்கொலை செய்து கொண்டார்.

இந்த சம்பவம் குறித்து போலீசார் வழக்குப்பதிவு செய்து விசாரணை நடத்தி வருகிறார்கள். பாங்காக் சென்ற இடத்தில் குணாலுக்கும், புமிக்கும் இடையே கருத்து வேறுபாடு ஏற்பட்டதாக உறவினர் ஒருவர் தெரிவித்துள்ளார்.

பாங்காக்கில் இருந்து ஊர் திரும்பிய பிறகு புமி கணவரை பிரிந்து தனது தாய் வீட்டிற்கு சென்றுவிட்டார் என்பது குறிப்பிடத்தக்கது.

இது குறித்து புமியின் உறவினர் ஒருவர் கூறுகையில்,

ஒரு போட்டியில் வெற்றி பெற்ற பிறகு குணாலுக்கும், புமிக்கும் இடையே அறிமுகம் ஏற்பட்டது. அதன் பிறகு அவர் குணாலை திருமணம் செய்ய முடிவு செய்தார். அவர்கள் தாய்லாந்து சென்றபோது அவர்களுக்கு இடையே கருத்து வேறுபாடு ஏற்பட்டுள்ளது. இது குறித்து அவர் தனது தாயிடம் தெரிவித்துள்ளார். ஆனால் ஏன் தற்கொலை செய்தார் என்றே புரியவில்லை என்றார்.

English summary

In a shocking incident, a 28-year-old woman, who had recently married a popular city-based radio jockey around two months back, on Thursday allegedly committed suicide by jumping off the terrace of a 10-storey residential building in Anandnagar area, police said.