சர்சைக்குரிய 12 ஹைகோர்ட் நீதிபதிகள் பட்டியல்: உச்ச நீதிமன்றம் நிராகரிப்பு!

டெல்லி: சர்சைக்குரிய சென்னை உயர்நீதிமன்ற நீதிபதிகள் பட்டியலை உச்ச நீதிமன்றம் நிராகரித்து திருப்பி அனுப்ப முடிவு செய்துள்ளது.

சென்னை உயர் நீதிமன்றத்தில் காலியாக உள்ள இடங்களுக்கு 12 புதிய நீதிபதிகள் பட்டியல் வெளியிடப்பட்டது. ஆனால், இந்த பட்டியலில் பாரபட்சம் காட்டப்பட்டிருப்பதாக புகார் எழுந்தது.

புதிய நீதிபதிகள் நியமனத்தில் அனைத்து சமுதாயத்தினருக்கும் வாய்ப்பளிக்க வேண்டும் என்ற கோரிக்கையை முன்வைத்து நீதிமன்ற புறக்கணிப்பு உள்ளிட்ட போராட்டங்களில் வழக்கறிஞர்கள் ஈடுபட்டனர். இதுதொடர்பாக உச்ச நீதிமன்ற தலைமை நீதிபதி சதாசிவத்தை சந்தித்தும் வழக்கறிஞர் சங்க பிரதிநிதிகள் மனு அளித்தனர்.

இந்த நிலையில், சர்ச்சைக்குரிய 12 நீதிபதிகளின் பட்டியலை சதாசிவம் தலைமையிலான தேர்வுக்குழு திருப்பி அனுப்ப முடிவு செய்துள்ளது. அதன்படி, இன்னும் ஓரிரு நாளில் நிராகரிக்கப்பட்ட பட்டியல் தமிழக சட்டத்துறைக்கு அனுப்பி வைக்கப்படும் என்று எதிர்பார்க்கப்படுகிறது.

சென்னை உயர் நீதிமன்றத்திற்கு புதிய தலைமை நீதிபதி பொறுப்பேற்றவுடன் அவரது தலைமையிலான குழு, புதிய நீதிபதிகள் பட்டியலை தேர்வு செய்யும் என்று கூறப்படுகிறது.

English summary

The Supreme Court on Friday rejected the Madras High Court order to maintain status quo on the process of appointing 12 judges, saying it is a "serious matter" which will be taken up by the apex court