உ.பி.: பெண்ணை கீழே தள்ளி எட்டி உதைத்த போலீஸ்காரர்- தீயா பரவிய வீடியோ
உன்னாவ்: உத்தர பிரதேச மாநிலத்தில் நடந்த விபத்தை கண்டித்து போராடிய பெண் ஒருவரை போலீஸ்காரர் கீழே தள்ளி காலால் எட்டி உதைத்த வீடியோ பலரின் கவனத்தையும் ஈர்த்துள்ளது.
உத்தர பிரதேச மாநிலம் உன்னாவ் மாவட்டத்தில் உள்ள கங்கா காட் பகுதியில் இருக்கும் நெடுஞ்சாலையில் வேகமாக சென்ற கார் இருசக்கர வாகனம் மீது மோதியது. இதில் இரு சக்கர வாகனத்தில் சென்ற 2 பேரில் ஒருவர் சம்பவ இடத்திலேயே பலியானார். இதை பார்த்த உள்ளூர் மக்கள் கோபம் அடைந்து விபத்தை கண்டித்து போராட்டத்தில் குதித்தனர்.
Unnao (UP): Policemen beat woman during protest after a road accident https://t.co/YahLSnTCZk
— ANI (@ANI_news) March 7, 2015 தகவல் அறிந்து சம்பவ இடத்திற்கு வந்த போலீசாருக்கும், மக்களுக்கும் இடையே மோதல் ஏற்பட்டது. பொதுமக்கள் போலீசாரை தாக்க, போலீசார் மக்களை தாக்கினர். அப்போது போலீஸ்காரர் ஒருவர் பெண் ஒருவரை கீழே தள்ளி விட்டு காலால் எட்டி உதைத்தார். இதை பிற போலீஸ்காரர்கள் மற்றும் மக்கள் வேடிக்கை தான் பார்த்தனர்.
யாரும் அந்த பெண்ணுக்கு உதவ முன் வரவில்லை. இந்த வீடியோ ட்விட்டரில் தீயாக பரவியுள்ளது. பெண்களுக்கு எதிரான வன்முறை அதிகரித்துவிட்டது என்று விவாதிக்கப்படும் நிலையில் இந்த வீடியோ வெளியாகியுள்ளது.
இந்த வீடியோவால் பெரும் பரபரப்பு ஏற்பட்டுள்ளது.
Click it and Unblock the Notifications
Sign in with Google