உடலில் மண்ணெண்ணெயை ஊற்றி தற்கொலைக்கு முயன்ற தமிழக விவசாயிகள் டெல்லியில் கைது

டெல்லியில் போராட்டத்தில் ஈடுபட்டுவரும் தமிழக விவசாயிகள் இன்று தற்கொலைக்கு முயன்றதால் பரபரப்பு ஏற்பட்டது.

டெல்லி: டெல்லியில் போராட்டத்தில் ஈடுபட்டுவரும் தமிழக விவசாயிகள் இன்று தற்கொலைக்கு முயன்றதால் பரபரப்பு ஏற்பட்டது. உடலில் மண்ணெண்ணெயை ஊற்றிக்கொண்ட விவசாயிகளை போலீசார் கைது செய்தனர்.

டெல்லி ஜந்தர்மந்தரில் இரண்டாவது கட்டமாக தமிழக விவசாயிகள் போராட்டம் நடத்தி வருகின்றனர். தேசிய தென்னிந்திய நதிகள் இணைப்பு விவசாயிகள் சங்கத்தலைவர் அய்யாக்கண்ணு தலைமையில் நடைபெற்று வரும் இந்த போராட்டம் இன்று 76வது நாளாக நீடிக்கிறது.

காவிரி மேலாண்மை வாரியம் அமைக்க வேண்டும், விவசாய கடன்களை தள்ளுபடி செய்ய வேண்டும் என்பன உள்ளிட்ட கோரிக்கைகளை வலியுறுத்தி தமிழக விவசாயிகள் போராட்டம் நடத்தி வருகிறார்கள். நாள்தோறும் விதவிதமான போராட்டங்களை தமிழக விவசாயிகள் நடத்தி வருகின்றனர்.

இந்நிலையில் 76வது நாளான இன்று போராட்டத்தில் ஈடுபட்டுவரும் தமிழக விவசாயிகள் உடலில் மண்ணெண்ணையை ஊற்றி கொண்டு தற்கொலைக்கு முயன்றனர். இதனால் அங்கு பெரும் பரபரப்பு ஏற்பட்டது.

இதையடுத்து தற்கொலைக்கு முயன்ற விவசாயிகளை போலீசார் கைது செய்தனர். தங்களின் கோரிக்கைகளை நிறைவேற்றும் வரை போராட்டம் தொடரும் என்றும் விவசாயிகள் தெரிவித்துள்ளனர்.

English summary

Tamil farmers protest in Delhi as 76th day urging their demands.Tamilnadu farmers who are protesting in Delhi have tried suicide attempt. The police arrested the farmers who poured kerosene in the body.