தொடரும் பரம்பரை அரசியல் – நாடாளுமன்றத்தில் 130 எம்.பிக்கள் அரசியல் வாரிசுகள்!!

டெல்லி: நாடாளுமன்றத்தில் பதவியேற்ற எம்.பிக்களில் 130 பேர் அரசியல் குடும்பத்தைச் சேர்ந்தவர்கள்.அரசியலை பின்புலமாக கொண்டவர்களின் வாரிசுகள் ஆவர்.

நாட்டின் 16 ஆவது நாடாளுமன்ற தேர்தல் 9 கட்டமாக நடந்து முடிந்து புதிய எம்.பிக்கள் கடந்த வாரம் பதவி ஏற்றனர். தேர்தலில் போட்டியிடுபவர்களின் சொத்துமதிப்பு, குற்ற பின்னணி போன்றவை வேட்பு மனுவுடன் தாக்கல் செய்ய வேண்டும் என்பது தேர்தல் கமிஷனின் சட்ட விதியாக உள்ளது.

அரசியல் வாரிசுகள்:

இதேபோல் புதிய எம்.பிக்களின் குடும்ப பின்னணி குறித்து ஆய்வு செய்யப்பட்டது. இந்த ஆய்வில் மொத்தமுள்ள 540 எம்.பி.க்களில் 130 பேர் அரசியல் வாரிசுகள் என தெரியவந்துள்ளது.

குடும்ப எம்.பிக்கள்:

இதில் 69 பேர் தற்போதைய எம்.பி அல்லது எம்.எல். ஏக்களின் மகன்கள் ஆவார்கள். 11 பேர் மகள்கள். 10 பேர் மனைவிகள். 10 பேர் சகோதரர்கள். மற்றவர்கள் உறவினர்களாக உள்ளனர்.

ஆந்திராவில் அதிகம்:

மாநில வாரியாக ஆய்வு செய்ததில் ஒருங்கிணைந்த ஆந்திராவில்தான் அதிக வாரிசுகள் உள்ளனர்.

கட்சியில் சமாஜ்வாடி முதலிடம்:

கட்சி வாரியாக கணக்கிட்டதில் சமாஜ்வாடி கட்சி எம்.பி.க்கள் 100 சதவீத குடும்ப பின்னணி கொண்டு முதல் இடத்தில் உள்ளது.

அதிமுகவில் குறைவு:

அடுத்த இடத்தில் தெலுங்குதேசம் உள்ளது. 3 ஆவது இடத்தில் காங்கிரஸ் கட்சியும், பிஜு ஜனதா தளமும் உள்ளது. அ.தி.மு.கவில்தான் குறைந்த எண்ணிக்கையில் குடும்ப வாரிசுகள் கொண்ட எம்.பிக்கள் உள்ளனர்.

பரம்பரை அரசியல்:

இந்த ஆய்வு பரம்பரை அரசியல் இன்னும் உயிருடன் உள்ளது என்பதை நிரூபிக்கிறது.அரசியல்வாதிகளின் வாரிசு அரசியலும் நீர்த்துப் போகவில்லை என்பது தெரிய வருகின்றது.

English summary

Totally 130 MP’s from parliament having the Political family background, a research says.