காங்கிரஸுக்கு கை கொடுக்குமா "ஊழலை ஒழிக்க ராகுலின் 9 அஸ்திரங்கள்" போஸ்டர்!

டெல்லி: லோக்சபா தேர்தலுக்காக வெளியிட்ட ஊழலை ஒழிக்க ராகுலின் 9 அஸ்திரங்கள்' போஸ்டர்கள் கை கொடுக்கும் என்ற நம்பிக்கை காங்கிரஸ் மேலிடத்துக்கு உள்ளது.

லோக்சபா தேர்தலை ஒட்டிய அனைத்து கருத்து கணிப்புகளிலுமே காங்கிரஸ் கட்சி 3வது இடத்திலும் பிரதமர் பதவிக்கான போட்டியில் ராகுலும் 3வது இடத்திலுமே இருந்து வருகின்றனர்.

இதைத் தொடர்ந்து தேர்தல் வியூகத்தை மாற்றி அமைக்க தமது சகோதரி பிரியங்கா காந்தி உள்ளிட்டோருடன் ராகுல் காந்தி தீவிர ஆலோசனைகளை மேற்கொண்டு வருகிறார். இதன் ஒரு பகுதியாக புதிய போஸ்டர்களை களம் இறக்கியிருக்கிறது காங்கிரஸ்.

இந்த போஸ்டர் 'ஊழலை முடிவுக்குக் கொண்டு வர ராகுல்ஜியின் 9 அஸ்திரங்கள்' என்ற தலைப்புடன் வெளியிடப்பட்டுள்ளது.

ஆளும் ஐக்கிய முற்போக்குக் கூட்டணி அரசின். தகவல் பெறும் உரிமைச் சட்டம், லோக்பால், கறுப்பு பணம் முறைப்படுத்தல் சட்டம், ஊழல் தடுப்புச் சட்டம், முறைகேடுகள் குறித்து தகவல் தருவோர் பாதுகாப்பு சட்டம்,

அதிகாரிகள் லஞ்சம் பெறுவதைத் தடுக்கும் சட்டம் உரிய நேரத்தில் சேவை செய்வதற்கான சட்டம், குடிமக்களின் சாசனம், குறை தீர்ப்பு மசோதா ஆகியவைதான் ஊழலை ஒழிக்கும் ராகுலின் 9 அஸ்திரங்கள் என்கிறது அந்த போஸ்டர்.

English summary

The Congress general secretary Ajay Maken on Tuesday unveiled a new poster on Twitter projecting Rahul Gandhi as the anti-corruption crusader. The slogan of the campaign is "Rahul ji ke nau hathiyar, door karenge bhrashtachar" (Rahul ji's nine weapons will end corruption).