கலிபோர்னியாவில் RRR.. திரையிடப்பட்டது பாதி படம் மட்டுமே.. மீதி படத்திற்கு மேனேஜர் சொன்ன பதில் என்ன?
கலிபோர்னியா: ராஜமவுலி இயக்கத்தில் உலகமெங்கும் வெளியான ஆர்ஆர்ஆர் படத்தின் முதல் நாள் காட்சியின் போது கலிபோர்னியாவில் ஒரு தியேட்டரின் போது பாதி படம் மட்டுமே ஒளிபரப்பப்பட்ட சம்பவம் ரசிகர்கள் மத்தியில் அதிர்ச்சியை ஏற்படுத்தியுள்ளது.
பாகுபலிக்கு பிறகு இயக்குநர் ராஜமவுலி இயக்கிய பிரம்மாண்டமான திரைப்படம் ஆர்ஆர்ஆர். இந்த படம் கடந்த 25 ஆம் தேதி தியேட்டர்களில் ரிலீஸானது. தமிழ், தெலுங்கு, இந்தி, மலையாளம், கன்னடம், ஆகிய மொழிகளில் இந்த படம் வெளியானது.
ராம் சரண், ஜூனியர் என்டிஆர் என தெலுங்கு சினிமாவின் இரு பெரும் ஸ்டார்கள் நடித்துள்ளனர். இந்த படம் 500 கோடி ரூபாய் பட்ஜெட்டில் தயாரானது. இதுவரை 750 கோடி ரூபாய் சம்பாதித்துவிட்டது இந்த படம்.
வெளிநாடுகள்
இந்த படம் வெளிநாடுகளிலும் திரையானது. அதில் கலிபோர்னியாவில் நார்த் ஹாலிவுட்டில் உள்ள சினிமார்க் என்ற தியேட்டரிலும் இந்த படம் திரையிடப்பட்டது. இந்த படம் 5 மொழிகளில் வெளியானதால் கலிபோர்னியாவில் இருக்கும் ரசிகர்கள் ஆர்வமாக முதல் நாள் முதல் காட்சிக்கு சென்றிருந்தனர்.
பர்ஸ்ட் டே பர்ஸ்ட் ஷோ
டிக்கெட் கொடுத்து பர்ஸ்ட் டே பர்ஸ்ட் ஷோ பார்க்கும் சந்தோஷத்தில் ரசிகர்கள் தியேட்டருக்குள சென்றனர். அப்போது அவர்களுக்கு அதிர்ச்சி காத்திருந்தது. படம் திரையிடப்பட தொடங்கியது. ரசிகர்கள விசில் சப்தத்துடன் படத்தை ஆரவாரம் செய்து பார்த்தனர். இந்த நிலையில் படத்தின் முன் பாதி வரை திரையிடப்பட்டது.
இடைவேளை
பின்னர் இடைவேளைக்கு பிறகு திரையிடப்படும் என எதிர்பார்த்த நிலையில் நீண்ட நேரம் ஆகியும் அடுத்த பாதி படம் திரையிடவே இல்லை. ஏதாவது தொழில் நுட்ப கோளாறாக இருக்கும், போடுவார்கள், போடுவார்கள் என காத்திருந்து ரசிகர்கள் சோர்ந்து போய்விட்டனர்.
மேனேஜர் சொன்ன பதில்
இதனால் ஆத்திரமடைந்து தியேட்டர் மேனேஜரை கேட்டனர். அப்போது அவர் ஒரு பதில் சொன்னார் பாருங்கள். "இன்னும் படம் இருக்கிறது, ரீலை ஓட்ட வேண்டும் என எங்களுக்கு எந்தவித தகவல்களும் வரவில்லை என்றாராம். இதனால் கடுப்பான ரசிகர்கள், "படம் இன்னும் முடியவில்லை, பாதிதான் போயிருக்கிறது" என மீண்டும் வலியுறுத்தியும் அவர் சொன்னதையே சொல்லியதால் மக்கள் கடுப்பாகி தியேட்டரை விட்டு வெளியே வந்தனர். இந்த படத்தின் முழு நீளம் 3 மணி நேரம் 56 நிமிடங்களாகும். ஆனால் நீளத்தை குறைத்ததால் 3 மணி நேரம் ஒரு நிமிடம் மட்டுமே படம் உள்ளது.
Click it and Unblock the Notifications
Sign in with Google