ஒருநாள் முதல்வர் தெரியும்.. ஒருநாள் திருமணம் தெரியுமா? இங்க சுற்றுலா போனா தெரிஞ்சுக்கலாம்

Updated: Sunday, June 9, 2019, 10:44 [IST]

Subscribe to Oneindia Tamil

ஆம்ஸ்டர்டாம்: நெதர்லாந்தில் சுற்றுலாப் பயணிகளைக் கவர ஒருநாள் திருமணம் என்ற வினோதமான திட்டம் அமல் படுத்தப்பட்டுள்ளது.

உலகின் மிக அழகான நாடுகளில் ஒன்று நெதர்லாந்து. எனவே அங்கு வெளிநாடுகளில் இருந்து சுற்றுலா செல்வோர் எண்ணிக்கை மிக அதிகம். அப்படியாக சுற்றுலா செல்பவர்களுக்கு, அந்நாட்டு மக்களுடன் உணர்வுபூர்வமான பிணைப்பை ஏற்படுத்துவதற்காக புதிய திட்டம் ஒன்று அங்கு செயல்படுத்தப்பட்டு வருகிறது. அது என்னவென்று கேட்டால் ஆச்சர்யப்பட்டுப் போவீர்கள்.

amsterdam invites tourists to marry a local for a day

அதாவது, வெளிநாடுகளில் இருந்து நெதர்லாந்தை சுற்றி பார்க்க வரும் சுற்றுலா பயணிகளுக்கு அந்நாட்டில் உள்ளவர்களுடன் ஒரு நாள் திருமணம் செய்யும் திட்டம் தான் அது.

ஒரு நாள் முதல்வர் தெரியும். அதென்ன ஒரு நாள் திருமணம் என ஆச்சர்யப் படுகிறீர்களா?

நெதர்லாந்து தலைநகர் ஆம்ஸ்டர்டாமில் தான் இந்தத் திட்டம் உள்ளது. இங்கு சுற்றுலா வருபவர்கள், உள்ளூர்வாசிகளுடன் ஒரு நாள் திருமணம் செய்து கொள்ளலாம். அவ்வாறு திருமணம் செய்த நபருடன் டேட்டிங், ஹனிமூன் என அந்த ஒரு நாள் முழுவதையும் செலவு செய்யலாம்.

சரி, நான் ஏற்கனவே திருமணமாகி மனைவியுடன் அங்கு சுற்றுலா செல்கிறேன், நான் எப்படி இந்த ஆஃபரைப் பயன்படுத்துவது என்ற சந்தேகம் உங்களுக்கு வரலாம். அப்படி வந்தால், அதை நீங்கள் நெதர்லாந்து அரசிடம் தான் கேட்க வேண்டும்.